Portal:Wikinews/Bad-Bemsen-Pries 2008 för Jan Graf un Lorbass

15. Juni 2008: De Bad-Bemsen-Pries för besünnere Leistungen bi dat vokale un instrumentale Gestalten vun nedderdüütsche Texten geiht dit Johr an Jan Graf un an de Grupp Lorbass. De Pries warrt siet 1985 dat 9. Maal vergeven un is mit en Priesgeld vun 2000 Euro verbunnen. Dit Johr gifft dat den Pries dank de Help vun de Volksbank Ülzen-Soltwedel glieks twee Maal mit dat vulle Priesgeld.

In’e Hannen kriegen schöölt se den Pries an’n 21. September in ene Fierstünn in dat Kurhuus in Bemsen bi de 61. Bemsen-Dagfohrt. De Laudatio schall de Ledermaker Wolfgang Rieck ut Rostock för Jan Graf un de Mentor vun Folk-Baltica, Jens-Peter Müller ut Flensborg, för Lorbass hollen.