Plattdüütsch (Schoolfack)
Dat Schoolfack Plattdüütsch is een Ünnerrichtsfack in den noorddüütschen Länner Hamborg, Sleswig-Holsteen, Mekelnborg-Vöörpommern un Bremen. Hier is Plattdüütsch een Waalplichtfack, in Bremen avers bloot as Pilootprojekt. In Neddersassen deelwies is dat Fack Plattdüütsch in anner Fäcker integreert, man keen egen Ünnerrichtsfack. In Noordrhien-Westfalen, Brannenborg un Sassen-Anholt is Plattdüütsch keen egen Schoolfack man bloot een Anbodd as Arbeedsgemeenschoppen. De Ünnerricht warrt bloot verenekelt anbaden.
Plattdüütsch is eerst sied korte Tied een Ünnerrichtsfack, nadem dat de Spraak gau Sprekers verloren het un bedroot is, dat se uutstarvt. Öllern geevt de Spraak meist gaarnich meer an de Kinner wieder, so gellt nu de School as Oord de Spraak to bewaren. Wichtig för den Begünn vun dat Schoolfack Plattdüütsch weer de Europääsche Charta vun de Regional- oder Minnerheitenspraken, de sied 1999 in Düütschland gellt un Plattdüütsch as ene Regionaalspraak gellen laat. Se is de Ramen na dat Völkerrecht för de plattdüütsche Spraakpolitik in Düütschland, dat sik na dat Dokument verplicht Regionaal- oder Minnerheidenspraken to föddern. To de Maatregels, de in de Charta vereenbaart sünd, tellt Plattdüütschünnerricht.
Hamborg is 2020 mit den Plattdüütschünnericht anfungen, 2014 folgen Sleswig-Holsteen un Bremen, 2016 ook Mekelnborg-Vöörpommern. Sied 2017 is Plattdüütsch ook Abituurfack.
Literatuur
[ännern | Bornkood ännern]- Auf dem Stundenplan: Plattdeutsch, Schriften des Instituts für niederdeutsche Sprache 45, Bunnsraat för Nedderdüütsch, Redaktion: Christiane Ehlers, Reinhard Goltz und Walter Henschen, Verlag Schuster Leer, Bremen 2013, ISBN 978-3-7963-0395-1.(pdf; 1.4 MB).
- Ulf-Thomas Lesle: Identitätsprojekt Niederdeutsch. Die Definition von Sprache als Politikum. In: Robert Langhanke (Ruutgever): Sprache, Literatur, Raum. Festschrift für Willy Diercks. Verlag für Regionalgeschichte, Bielefeld 2015, ISBN 978-3-89534-867-9, S. 693–741.
- Dieter Möhn: Niederdeutsch in der Schule, in: Gerhard Cordes, Dieter Möhn (Ruutgevers) Handbuch zur niederdeutschen Sprach- und Literaturwissenschaft, Erich-Schmidt-Verlag, Berlin 1983, ISBN 3-503-01645-7.
- Plattdeutsch in der Schule. Symposion an der Carl-von-Ossietzky-Universität Oldenburg am 3. September 2004. Spieker, Isensee Verlag, Ollnborg 2005, ISBN 3-89995-182-4.
- Sechster Bericht der Bundesrepublik Deutschland gemäß Artikel 15 Absatz 1 der Europäischen Charta der Regional- oder Minderheitensprachen, herausgegeben vom Bundesministerium des Innern, 2017 (pdf; 2.4 MB).
Nettverwiesen
[ännern | Bornkood ännern]- Rechtliche Grundlagen för Plattdüütsch in de School, Översicht to de Bildungsplaans op de Websteed vun dat Instituut för Nedderdüütsche Spraak
- Die Reportage: Plattdütsch bet taun „Plattinum“!, ndr.de, 9. September 2018
- plattolio.de, Websteed vun de Plattolio e. V., de Fachvereen vun Plattdüütschschoolmeesters
- schoolmester.de, Materialkollektschoon för den Plattdüütschünnerricht