Pedra Badejo

Vun Wikipedia
De lütte Fischereehaven vun Pedra Badejo mit Sicht över de Küst

Pedra Badejo is en Stadt an de Oostküst vun dat Eiland Santiago in Kap Verde. Mit ruchweg 10.000 Inwahners is se de tweetgröttste Stadt vun dat Eiland un de veertgröttste vun de hele Republiek Kap Verde. Togliek is Pedra Badejo de Hööftstadt vun den Distrikt Santa Cruz.

Geografie un Infrastruktur[ännern | Bornkood ännern]

De Stadt Pedra Badejo liggt an de Oostküst vun Santiago nöördlich vun de Landshööftstadt Praia. De Ümgegend liggt in en Daal, dör dat de Ribeira Seca verlöpt, de in’n Süüden vun de Stadt in’n Atlantik münnt. Dat Land is hier fuchtig noog för Ackerbo. Anboet warrt hier vör allen Suckerrohr, Bananen un Grööntüüch. In’t Rebeet vun de Münnen wasst vele Kokospalmen.

Op de Süüdsiet vun’n Ribeira Seca liggt de Vöroort Achada Fazenda. Vun dor kummt een över en utboete Straat bit na Praia. Dör dat Daal vun’n Ribeira Seca föhrt en annere Straat in Richt Süüdwesten bit na de Stadt São Lourenço dos Orgãos. In’n Westen vun Pedra Badejo liggt de Oort Santa Cruz, de ok över en toeerst goot utboete Straat anbunnen is. De Straat föhrt wieter na Noorden över Calheta de São Miguel bit na Tarrafal.

Weertschap[ännern | Bornkood ännern]

De Hööftplatz vun Pedra Badejo mit dat Denkmol vun en Musiker

In de Stadt holt sik vele Minschen op. In de Stadtmitt tütt sik de Hööftplatz mit de Statue vun en öörtlichen Musiker, üm den sik en Reeg vun Ladens sammelt. Eenmool in de Week warrt hier en bunten Stratenmarkt afholen.

An de Küst langs dehnt sik en Strand ut, de dör mehrere Felsnadels in enkelte Afsneden ünnerdeelt is. In den Afsnitt in’n Süüdoosten vun de Stadt kann een an’n besten baden. An’t Wekenenn kamt faken Lüüd ut Praia in den Oort, üm sik hier to verholen. De Strandstrand is tomeist mehr beleevt. In de Neeg gifft dat eenige Cafés, de in’n Sommer un an de Wekenennen ok goot besöcht warrt. An’t Enn vun de Straat liggt de lütte Haven, woneem ünner de pielen Felswand en poor Fischeree-Bööd leegt. Mit en Winn künnt de wenigen Bööd bi Slechtweder an Land bröcht warrn.


Koordinaten:15° 8′ N, 23° 32′ W