Paul Josupeit

Vun Wikipedia
Josupeit as Maat von dat Corps Masovia

Paul Josupeit (* 28. November 1891 in Wenigsee; † 7. September 1954 in Bruunswiek) weer en düütschen Verwaltungsbeamten.

Josupeit is 1891 in Wenigsee in Oostprüßen boren. He weer op dat Gymnasium Tilsit un hett an de Universität Königsbarg Juristeree studeert. In’t Sommersemester 1911 is he in dat Corps Masovia aktiv worrn.[1] In Königsbarg hett he denn ok mit en Dokterarbeid över dat Thema Die Gefahrtragung bei altruistischen Handlungen sien Dr. jur. maakt. He weer in’n Eersten Weltkrieg Soldaat un is mit dat Ieserne Krüüz 2. Klass uttekent worrn.

Na’n Krieg is he in’n prüüßschen Staatsdeenst gahn. 1915 weer he Gerichtsreferendar un 1923 Gerichtsassesser un Probe-Justitiar bi de Regerung in Gumbinnen.[2] 1924 is he Regerungsassesser worrn un weer denn bi dat Oberpräsidium von de Provinz Königsbarg.[2] In’ Juli 1927 is he toeerst kommissarsch, in’n November 1927 denn richtig Landraad von’n Kreis Labiau worrn.[2] Nadem he an’n 15. Juni 1933 von de Natschonalsozialisten afsett worrn is,[2] weer he Geschäftsföhrer von en Ünnernehmen in Königsbarg.

In’n Tweten Weltkrieg weer he wedder Soldaat.[2] An’t Enn von’n Krieg keem he in sowjetsche Kriegsfungenschop,[2] ut de he na negen Johr wedder free keem. Na en Reeg Slaganfäll keem he an’n 31. Dezember 1953 na Bruunswiek un is dor an’n 7. September 1954 doodbleven.[3]

Footnoten[ännern | Bornkood ännern]

  1. Kösener Corpslisten 1930, 89, 1005
  2. a b c d e f Acta Borussica, Band 12/II
  3. R. Döhler: Corps Masovia. Die 175jährige Geschichte von Königsbergs ältester und Potsdams erster Korporation im 21. Jahrhundert. München 2005, ISBN 3-00-016108-2, S. 469