Paul II.

Vun Wikipedia
Zur Navigation springen Zur Suche springen
Paul II. in en Gemälde vun Cristoforo dell'Altissimo

Paul II. (* 23. Februar 1417 in Venedig; † 26. Juli 1471 in Rom), eegentlich Naam Pietro Barbo, weer van 30. August 1464 bit to sien Dood Paapst vun de röömsch-kathoolsch Kark.

Leven[ännern | Bornkood ännern]

Pietro Barbo weer de Söhn vun en wohlhabend Koopmann ut Venedig, sien Moder Polixena Condulmer weer en Süster vun Paapst Eugen IV. All froh harr Pietro Barbo wat vun dat Pontifikat vun sien Unkel Eugen IV., de hüm good Privatlehrers schickt hett.

1440 hett Paapst Eugen IV. sien Neffen Pietro Barbo to’n Kardinal vun Santa Maria Nuova in Rom maakt. Buterdem weer he Apostolischer Protonotar, Archidiakon vun Bologna, af 1440 Bischop vun Cervia, af 1451 Bischop vun Vicenza un af 1459 Bischop vun Padua. Dormit harr he good wat an Innahmen un kunn sück den röömschen Palazzo Venezia bauen.

An’ 30. August 1464 hett hüm dat Konklave, nahdem se dree Daag lang in’ Vatikan beraden harrn, to’n neen Paapst wählt. He wurr dormit Nahfolger vun Pius II.. Eegentlich wull sück Pietro Barbo as Paapst Formosus II. nömmen, aber de Kardinäle hebbt hüm dorvan afraden. Sien tweete Naam full up de Naam Marcus II., aber ok de Naam vun den Evangelisten gefull de Kardinäle nich, wiel se as Apostelnaams generell as Paapstnaams unüblich sünd (bi Paapst Marcus I. weer dat sien bürgerlich Naam). So hebbt se Pietro Barbo övertüügt, de Naam Paapst Paul II. antonemmen, de as Naam vun de Völkerapostel, de nich to de Kreis vun de Twalf un nich to de Evangelisten tellen deiht, akzeptabel weer. (De Paapstnaam Johannes betreckt sück up Johannes den Döper.)

As to de Tied üblich, hebbt de Kardinäle denn vun hüm en Wahlkapitulation verlangt, doch de hett he sofort nah sein Krönung weer torüchnommen. Paapst Paul II. hett sück apen tegen de röömsch Akademie wendt un hett ok noch dat Abbreviatorenkollegium uphaben.

Ut hüüdig Sicht wurrd Paapst Paul II. as en Antihumanist betekent: He kunn kien Latiensch un weer ok kien Fründ vun de Bildung. He hett dat Birett för de Kardinäle inführt un 1470 dat Jubeljohr up all 25 Johr fastleggt.

He is an 26. Juli 1471 storven un wurr in de Vatikanischen Grotten bisett. Paapst Sixtus IV. is hüm denn upfolgt.

Weblenken[ännern | Bornkood ännern]

Vörgänger Amt Nafolger
Pius II. Paapst
1464 - 1471
Sixtus IV.