Patricia Neske

Vun Wikipedia
Zur Navigation springen Zur Suche springen

Patricia Neske (* 19. Oktober 1966 in Harbor City, Kalifornien, USA) is en ehmalge düütsch Ieskunstlöperin, de in de Eenzelkonkurrenz antreeden dee.

Hör Öllern weern in de USA utwannert. Wegen dat Ieskunstloopen kehr Patricia Neske nah Düütschland torüch. Hör Vereen weer de Düsseldorfer EG. Traineert hett se in Oberstdorf, wo se ok en Banklehre maakt hett.

1990 weer se Düütsch Meesterin, nahdem se all 1985 un 1989 Viezmeesterin ween weer. Ok in de Johren 1991 un 1992 reck dat blots för de Viezmeesterschap.

An Europameesterschapen hett se 1985 eerstmals deelnommen un keem dor up den 8. Platz. Van 1986 bit 1988 weer se nich an den Start, 1989 reck dat aber för de Bronzemedaille achter Claudia Leistner un Natalja Lebedewa. Nachdem se 1990 un 1991 jewiels den 5. Platz haalt harr, schaff se 1992 weer en darten Platz, ditmal achter Surya Bonaly un Marina Kielmann.

1985 weer se eerstmals ok bi Weltmeesterschapen dorbi un keem dor up Platz 12. Ok dor geev dat en Paus van dree Johren, bevör se 1989 dorbi hör best Ergevnis mit Platz 4 reck un domit noch vör Natalja Lebedewa, Kristi Yamaguchi un Evelyn Großmann lannen dee. De folgend dree Johren keem se bi de WM up Platz 7, 9 un 10.

To’n Afsluss van hör Loopbahn hett se 1992 noch an de Olympisch Winterspelen deelnommen, keem dor aber nich över Platz 13 herut.

1992 hett se hör Loopbahn afslooten un en Studium in Kalifornien anfungen.

Weblinks[ännern | Bornkood ännern]