Die niederdeutsche Literatur
(wiederwiest vun PBuB)
De Plattdüütsche Bibliographie un Biographie (PBuB, vun ooltgreeksch: Βίβλιος, Book, Βίος, Leven un γράφειν, schrieven) is en Wark, wo een över plattdüütsche Böker un plattdüütsche Schrieverslüüd in nakieken kann. Dat schall dorüm gahn, dat een all sülvstännige plattdüütsche Warken, de vun 1800 bit to dat Johr 2000 rutkamen sünd, dor in finnen kann (Bibliographie) un ok en beten wat över dat Leven vun jem ehre Schrievers dor in nalesen kann (Biographie).
De PBuB is in’t Internet to finnen un warrt tohopenstellt vun dat Institut för Nedderdüütsche Spraak (INS) in Bremen. De PBuB is op Hoochdüütsch tohopenstellt. Bevör dat INS dat övernahmen hett, hett Peter Hansen de PBuB tohopenstellt.