Otto Heidmüller
Otto Heinrich Wilhelm Moritz Heidmüller (* 23. Januar 1845 in Hamborg; † 12. Juli 1922 in Wismer) wier en plattdütschen Verlegger un Dichter.
Läwen
[ännern | Bornkood ännern]Otto Heidmüller wier dei Soehn von den Hamborger Vergüller Franz Heidmüller. He wuss in Hamborg up un besöcht gaude Schaulen. Von 1859 bet 1862 wier hei Privåtsekretär in’n schottschen Edinburgh. Den 1. Juni 1863 begünn hei ene Lihr in dei Wismersche Verlagsbookhannel von Dethloff Carl Hinstörp. Na siene Lihrteid wier Otto Heidmüller von 1868 bet 1877 Hülpkraft för verschieden Bookhannelslüd’ in Olmütz un Wien un keem denn wedder na Wismer trügg un wark för den Hinstörp-Verlag. Nå Dethloff Carl Hinstörp sienen Dood wier hei tauhop mit Heinrich Witte, Hinstörp sienen Swiegersöhn, Baas von dei Wimsersche Druckerie, dei hei 1907 ok köff. Tohoop mit sienen Deelhebber wier hei bet to sienen Dood Baas von dei Druckerie.
Otto Heidmüller schreew plattdütsche Gedichten in dei Traditschon von Fritz Reuter, dei in’n Großherzoglich Mecklenburg-Schweriner und Mecklenburg-Strelitzer Kalender un von 1935 bet 1942 in den Vörlöper Voß- un Haas-Kalender in’n Hinstörp-Verlag ruutkeem
In’n Klenner schreew Heidmüller besünners Kinneriemels, meist ünner sien Initschalien, nich ünner vullen Nåm. So kemen twüschen 1890 un 1923 rund 150 von sienen Gedichten „för dei Gören“ ruut. Allens tohoop schreew hei rund 230 lustige Gedichten, Danzleder, Radsels un anner lütte Texten.
Wark
[ännern | Bornkood ännern]- Otto Heidmüller, Felix Stillfried: Fest-Theater zur Feier des 50jähr. Geschäfts-Jubiläums des Hofbuchhändlers D. C. Hinstorff in Wismar am 2. Sept. 1881. Wismer, Hinstörp, 1881.
- Fritz Reuter und seine Verleger, in’n Jahrbuch des Vereins für Niederdeutsche Sprachforschung, 1913.
- Die letzte Nacht, Operettenlibretto tauhop mit Caßmann, 1887
- Regenburg (Operett in 3 Akten, tauhop mit C. J. Caßmann).
Kiek ok bi
[ännern | Bornkood ännern]Literatur
[ännern | Bornkood ännern]- Hartmut Brun: Wo die Ostseewellen trecken an den Strand. Merk-Würdigkeiten in Mecklenburg. Biographische Skizzen zur regionalen Literaturgeschichte. Rostock (Mecklenburgisches Folklorezentrum), 1989
Weblinken
[ännern | Bornkood ännern]- Otto Heidmüller in de Datenbank Die niederdeutsche Literatur (hoogdüütsch)