Byzantiensch Riek

Vun Wikipedia
(wiederwiest vun Ooströömsch Riek)
Disse Artikel is man blots en Stubben. Du kannst Wikipedia helpen un em verbetern.
Wie sik dat Byzantiensche Riek verännert hett
(rot: Byzantiensch Riek / gröön: Provinzen vun dat vörmolige ooströömsche Riek, vun Byzanz torüch erovert)

Dat Byzantiensche Riek (greeksch Βυζαντινή Αυτοκρατορία, offiziell Βασιλεία τῶν Ῥωμαίων, up Platt: „De Römers ehr Königriek“), kortweg ok Byzanz (greeksch Βυζάντιο[ν]) oder, vunwegen dat histoorsche Herkamen, ok Oostrom, weer en Kaiserriek in de ööstlichen Länner vun de Middellannsche See. Upkamen is dat in de Late Antike, as de ööstliche Hälft vun dat Röömsche Riek to en sülvstännig Kaiserriek wurrn is. To Enne gahn is dat, as de Hööftstadt Konstantinopel 1453 vun de Osmanen innahmen wurrn weer. To Anfang hett dat Riek reckt vun de Halfinsel vun Arabien bit hen na Noordafrika. Man vun de Midden vun dat 7. Johrhunnert af an höörn dor bloß noch Lüttasien un Süüdoosteuropa to. De moderne Forschung hett dor den Naam Byzantiensch Riek för. Dormols, to Tieden vun düt Riek, sünd de Inwahners avers nich „Byzantiners“ nömmt wurrn, man „Römers oder Rhomäers“ oder ok „Greken“.