Ooldsassisch Dööplöövnis

Dat ooldsassische Dööplöövnis is een Text uut dat 8. Jhd un de öldste nableven Text op Ooldsassisch. Dat Dööplöövnis is een Tüügnis för de Tied vun den Sassenkriegen twüschen den franken Riek un den Sassenstamm ünner Karl den Groten, indem de Franken de heidenschen Sassen betwüngen un to’n Christendom bekeren.

Dat Löövnis verlangt vun den nee’en Christen bi de Dööp den Düvel (unholdun) un den heidenschen Gödder Donar, Wodan un Saxnot aftosweren un sienen Gloven an Godd den Vadder, Christus un den hilligen Geist to bekunnen

Historie

Dat Dööplöövnis is man in ene Handschrift nableven, de nu in de Vatikaanschen Bökeree in Rom liggt un Deel vun enen Sammelband, de Codex Palatinis Latinus 577. De Codex stammt sachtens uut Fulda un keem denn na Mainz, wo he bet 1479 weer, as he in de Bibliotheca Palatina in Heidelberg keem un opletst 1623 na Rom keem.

Ooldsassisch

Forsachistû diabolae?

et respondet: ec forsacho diabolae.

end allum diobolgeldae?

respondet: end ec forsacho allum diobolgeldae.

end allum dioboles wercum?

respondet: end ec forsacho allum dioboles wercum and wordum, Thunaer ende Wôden ende Saxnôte ende allum thêm unholdum, thê hira genôtas sint.

Gelôbistû in got alamehtigan fadaer?

ec gelôbo in got alamehtigan fadaer.

Gelôbistû in Crist, godes suno?

ec gelôbo in Crist, gotes suno.

Gelôbistû in hâlogan gâst?

ec gelôbo in hâlogan gâst.

Plattdüütsch

Versaakst du den Düvel?

un he schall antern: Ik versaak den Düvel

un allen Düvelsdeenst?

un he schall antern: Ik versaak allen Düvelsdeenst

un allen Düvelswarken?

un he schall antern: Ik versaak allen Düvelswarken un Wöör, Donar un Wodan un Saxnôt un allen Afgödder, de eer Genoten sünd

Glöövst du an Godd den allmächtigen Vader?

ik glööv an Godd, den allmächtigen Vader.

Glöövst du an Christus, Godd sien Söön?

ik glööv an Christus, Godd sien Söön.

Glöövst du an den hilligen Geist

ik glööv an den hilligen Geist.

Literatuur

Georg Heinrich Pertz: Capitularia regum Francorum. In: Monumenta Germaniae Historica. Leges Band 1, 1835, S. 19–20 ( Digitalisat).
Brunner Horst: Geschichte der deutschen Literatur des Mittelalters im Überblick (= RUB 9485). Stuttgart 2003, S. 47f

Nettverwiesen

Indrag in’n Handschriftencensus