Omurawal
De Omurawal (Balaenoptera omurai) is en in’n November 2003 eerstmals beschreven Aart vun de Furchenwale (Balaenopteridae), de to de Bartenwalen (Mysticeti) hörrn. De Typusexemplare vun de Aart wurrn in de laat 1970er Johren in dat Japaansch Meer (Terra typica), in de Salomonensee un dicht bi de Cocos Islands fangen.
Nah Angaven vun de Eerstbeschriever Shirō Wada (japaansch: 和田 志郎), Masayuki Ōishi (japaansch: 大石 雅之) un Tadasu K. Yamada (japaansch: 山田 格) ut Japan hannelt sück dat um en den Finnwal (Balaenoptera physalus) bannig ähnlich Aart, de aber mit en Längt vun rund twalf Metern düütlich lüttger is as de. Se hemm ok mit blots 200 Barten düütlich weniger as anner Bartenwale. Över de Leevenswies vun de Deerten weet man nichts.
De Bekanntmaaken vun de Aartenbeschrieven in de Facktietschrift Nature an‘n 20. November 2003 is in de Fackwelt eerst mal up groot Twiefel stött, wiel man Omurawale bither blots för lütt Exemplare vun de Brydewale hull. De Forscher hemm hör Beschrieven anhand vun mitochondrialen DNA-Verglieken mit anner Walen vergleeken, wobi se ok de Notwennigkeit vun wiedere Analysen herutstellt hemm. As Grundlaag hemm hör negen Individuen deent, vun de acht all in de laat 1970er Johren fangen wurrn weern. Tüschen 2007 un 2014 wurrn Omurawale vör de Nordwestküst vun Madagaskar eerstmals beter utforscht un ok filmt.[1] In‘n Dezember 2016 wurr en Exemplar an dat Great Barrier Reef fotografeert.[2] En wiedere bestätigte Sichtung funn an’n 22. Mai 2017 in Taiwan statt.[3]
Dat Artepithet vun den wetenschaplichen Naam leit sück vun den japaanschen Walforscher Hideo Ōmura (japaansch:大村 秀雄, 1906–1993) af.
Enkeld Nahwiesen[ännern | Bornkood ännern]
- ↑ Salvatore Cerchio, Boris Andrianantenaina, Alec Lindsay, Melinda Rekdahl, Norbert Andrianarivelo, Tahina Rasoloarijao: Omura’s whales (Balaenoptera omurai) off northwest Madagascar: ecology, behaviour and conservation needs. Oktober 2015, DOI: 10.1098/rsos.150301.
- ↑ www.gbrmpa.gov.au, 14. Dezember 2016.
- ↑ Rare whale spotted in Taiwan for the first time in den Taiwan News an’n 22. Mai 2017
Literatur[ännern | Bornkood ännern]
- Shiro Wada, Masayuki Oishi, Tadasu K. Yamada: A newly discovered species of living baleen whale. In: Nature. Band 426, 2003, S. 278–281, doi:10.1038/nature02103 (englisch, PDF).
- Hadoram Shirihai: Meeressäuger. Alle 129 Arten weltweit. Illustriert von Brett Jarett. Franckh-Kosmos Verlags GmbH, Stuttgart 2008, ISBN 978-3-440-11277-9.
- Salvatore Cerchio, Tadasu K. Yamada, Robert L. Brownell Jr.: Global Distribution of Omura’s Whales (Balaenoptera omurai) and Assessment of Range-Wide Threats. In: Frontiers in Marine Science. Band 6:67, 2019, doi:10.3389/fmars.2019.00067 (englisch, [1]).
Weblinks[ännern | Bornkood ännern]
Omurawal (Balaenoptera omurai). Mehr Biller, Videos oder Audiodateien to’t Thema gifft dat bi Wikimedia Commons.
- National Geographic – New Whale Species Announced by Japanese Scientists
- De Omurawal in de Root List vun de gefährdeten Aarten vun de IUCN 2014.3. Instellt vun: S. B. Reilly, J. L. Bannister, P. B. Best, M. Brown, R. L. Brownell Jr., D. S. Butterworth, P. J. Clapham, J. Cooke, G. P. Donovan, J. Urbán, A. N. Zerbini, 2008. Afropen an’n 27. Dezember 2020
- Eerste Filmupnahmen vun en Omurawal (New England Aquarium up YouTube)
- Eerste Sichtung in Taiwan in den Taiwan News van’n 22. Mai 2017