Olga Walerjewna Medwedzewa

Olga Medwedzewa

Olga Walerjewna Medwedzewa (russisch О́льга Вале́рьевна Медведцева, wetenschaplich Transliteratschoon Ol'ga Valer'evna Medvedceva, boren Заморозова/Samorosowa; * 7. Juli 1975 in Borodino), vörmals verheiraadt Pyljowa (russisch Пылёва), is en ehmalge russische Biathletin.

Loopbahn

Anfänge

Eerst 1998 is Medwedzewa, de bi de Junioren-Weltmeesterschapen 1993 in dat tschechisch Harrachov un 1995 in dat sweedsch Gällivare mit de russisch Langloopstaffel Weltmeesterin wurrn weer un todem dree Eenzelmedaillen bi Junioren-Weltmeesterschapen wunn, vun den Skilangloop to’n Biathlon wesselt un hett sück denn Stück för Stück in de Weltspitze nah baben arbeit.

Wat se schafft hett

Bi Weltmeesterschapen hett se 2004 Gold över 15 km un 2005 Bronze in‘n Massenstart wunnen, mit de Staffel ehett se veermal Gold haalt (2000, 2001, 2005 un 2009) un eenmal Sülver (2004). Se kunn insgesamt teihn Weltcupsiege fiern, de tweete Platz in‘n Gesamtweltcup vun de Saison 2003/04 weer hör best Platzeeren in dissen Wettbewarf. In de Saison 2004/05 wurr se Dart in’n Gesamtweltcup.

Bi de Olympisch Spelen 2002 in Salt Lake City wunn de Sportlehrerin de Goldmedaille in dat Verfolgungsrennen över 10 Kilometer, as ok Bronze mit de Staffel.

Dopingfall 2006 in Turin

Bi de Olympisch Winterspelen 2006 in Turin wunn Medwedzewa Sülver in’t Eenzel. De Medaille wurr hör aber kört dornah weer aferkennt, wiel man hör wegen Doping mit dat Stimulanzmiddel Carphedon överführt hett. Dornah wurr se vun de Spelen utslooten un vun de Internatschonale Biathlon-Union för twee Johr för all Biathlonrennen sparrt. Ansluutend hett se tonächst hör Rückträe vun den aktiven Leistungssport verkünnd.

Nah de Sparr

In‘n Februar 2008 – nah dat Enn’n vun hör Dopingsparr – nehm se aber bi de Europameesterschapen eerstmals weer an internatschonalen Rennen deel. Bi de Biathlon-Weltmeesterschapten 2009 in Korea wurr se mit de russisch Staffel Weltmeester. In den Eenzeldisziplinen gelunghör bi den Weltcup in Oberhof in de Saison 2008/2009 en tweet Platz in’n Massenstart un in Ruhpolding in de Saison 2009/2010 en tweet Platz in’n Sprint.

Gemeensam mit Svetlana Slepzowa, Anna Bogali-Titowez un Olga Saizewa gelung Medwedzewa de Sieg in‘n Staffelwettbewarf bi de Olympisch Winterspelen 2010 in Vancouver.

Privatleven

Medwedzewa leevt mit hör Mann Waleri Medwedzew, den Biathlon-Olympiasieger vun 1992, de ok hör Trainer weer, as ok hör Dochter un hör Söhn in Borodino.

Weblinks

Olga Walerjewna Medwedzewa. Mehr Biller, Videos oder Audiodateien to’t Thema gifft dat bi Wikimedia Commons.

• Indrag up de Sieden vun de IBU
• Porträt up www.biathlon2b.com (düütsch)
• Offizielle Siet vun Olga Medvedtseva (russisch, engelsch)