Noordsood

Vun Wikipedia
(wiederwiest vun Nordsode)
Wapen/Flagg Koort
hett keen Wapen
Noordsood
Laag vun Noordsood in Düütschland
Basisdaten
Bundsland: Neddersassen
Landkreis: Oosterholt
Gemeen: Worpsweed
Inwahners:
Postleettall: 27726
Vörwahl: 04794
Geograafsche Laag:
Koordinaten:53° 20′ N, 8° 59′ O
53° 20′ N, 8° 59′ O

Karte

Noordsood (hoochdüütsch Nordsode) is en Dörp in de Gemeen Worpsweed in’n Landkreis Oosterholt, Neddersassen. Binnen de Gemeen Worpsweed höört de Oort to de polietsche Oortschop Oostersood.

Geografie[ännern | Bornkood ännern]

De Oort liggt in dat Düvelsmoor. Dat Water ut dat Rebeed warrt över’n Noordsoder Schippgraven na’n Kollbeek hen afföhrt.

De Naveröörd sünd Korlshöbenermoor in’n Noorden, Oostersood in’n Süden un Meinershagen in’n Westen.

Historie[ännern | Bornkood ännern]

Noordsood is 1790 as 1,5 Kilometer lang Stratendörp un Moorkolonie in dat Düvelsmoor grünnt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Gnarrenborg in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Hambargen in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort weer bet 1929 en egenstännige Gemeen. In dat Johr is dat tohoop mit Meinershagen an de Gemeen Oostersood anslaten worrn. De Gemeen Oostersood is an’n 1. März 1974 mit de Gemeenreform in Neddersassen Deel von de Gemeen Worpsweed worrn.

Inwahnertall[ännern | Bornkood ännern]

Johr Inwahners
1791-00-001791[1] 12 Füürsteden
1812-00-001812[2] 101
1824-00-001824[3] 12 Füürsteden
1848-00-001848[4] 108 Lüüd, 13 Hüüs
1871-12-011. Dezember 1871[5] 112 Lüüd, 14 Hüüs
1885-12-011. Dezember 1885[6] 82 Lüüd, 14 Hüüs
1905-12-011. Dezember 1905[7] 79 Lüüd, 15 Hüüs
1910-12-011. Dezember 1910[8] 87

Religion[ännern | Bornkood ännern]

Noordsood is evangeelsch-luthersch präägt un höört to dat Kaspel von de Kark in Huttenbusch. Fröher hett dat to dat Kaspel von de Paulus-Kark in Gnarrenborg höört. Eerst later is de Oort noch wedder wesselt in dat Kaspel von de Zion-Kark op’n Weyerbarg un dor denn in dat Kaspel von de Filialkark in Huttenbusch kamen.

För de Kathoolschen gifft dat in Worpsweed de Maria-Freden-Kapell, de to de Goden-Hirt-Kark in Leendaal höört. De Goden-Hirt-Kark höört siet 1. September 2012 to de Karkengemeen von de Hillige-Familie-Kark in Oosterholt-Scharmbeek.

Dat Dörp hett keen egen Karkhoff. De Doden warrt op’n Karkhoff Huttenbusch begraven.

Weertschop un Infrastruktur[ännern | Bornkood ännern]

För Noordsood is de freewillige Füürwehr Oostersood mit tostännig.

Verkehr[ännern | Bornkood ännern]

Dör Noordsood löppt de Landsstraat 165, de in’n Süden twüschen Huttenbusch un Nee Sankt Jürgen an de L 153 ran geiht un in’n Noordoosten na Korlshöben an de L 122. De L 122 geiht von Korlshöben in’n Noordwesten op Gnarrenborg to un an de Bundsstraat 74 ran un in’n Süüdoosten na Zeven. De L 153 föhrt in’n Westen na Pennigbüttel bi Oosterholt-Scharmbeek an de B 74 un in’n Süden na Worpsweed un op Leendaal to.

De Opfohrt 17 Dreeeck Bremen-Industriehavens op de Autobahn 27/281 liggt so 30 Kilometer in’n Süüdwesten von Noordsood an de B 74.

Bahnhoff Noordsood, 2015

De nächste Bahnhoff is so bi 16 Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben. Von 1911 bet 1978 hett dat ok op de Bahnlien Stood–Oosterholt Personenverkehr geven. Toeerst weer de nächste Bahnhoff een Kilometer in’n Süden in Oostersood. 1922 hett Noordsood aver an’n Noordrand von’n Oort en egen Bahnhoff kregen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 169
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 564
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
  8. Inwahnertallen op gemeindeverzeichnis.de