Noordbeek

Vun Wikipedia
Noordbeek
Laag Landkreis Horborg
Stroomsystem Elv
Läng 9,1 km
Afströömrebeed 35,9[1] km²
Born in Lübberstää
Münn bi Luhmöhlen in de Luh
linke Blangenströöm Oosterbeek
rechte Blangenströöm Eyndörper Beek

De Noordbeek is en 9,1 Kilometer langen[2] Beek in’n Landkreis Horborg, de von links in de Luh münnt.

De Noordbeek hett sien Born in Lübberstää. Von dor flütt de Beek na Noordoosten. De Öörd ümto sünd Eyndörp in’n Süden un Gö’nstörp un Oilstörp in’n Noorden. Bi de Münn von’n Oosterbeek dreiht de Beek op Oosten. Twüschen Eyndörp un Solzhusen geiht de Bahnlien Winsen-Hützel över den Beek weg un kort later münnt von rechts de Eyndörper Beek in’n Noordbeek. In’n Noorden von Puunsen bi Luhmöhlen münnt de Noordbeek in de Luh.

Dat Water in de Luh flütt denn wieder in de Ilmenau, de Elv un toletzt in de Noordsee.

Toströöm[ännern | Bornkood ännern]

De Oosterbeek oder ok Oilstörper Beek hett sien Born in’n Süüdwesten von Garlstörp nich wied weg von de Autobahn 7. Von dor flütt de Beek toeerst na Noordoosten un dreiht denn in en groten Bagen na Oosten un Süüdosten. De Oosterbeek flütt dorbi an Gö’nstörp un Oilstörp langs un münnt in’n Süüdoosten von Oilstörp in’n Noordbeek. De Beek hett en Afströömrebeed von 12,4 km².

De Eyndörper Beek hett sien Born in Eyndörp. Von dor flütt he na Noordoosten un münnt in’n Süden von Solzhusen in’n Noordbeek. Dat Afströömrebeed is 1,13 km² groot.

Footnoten[ännern | Bornkood ännern]

  1. Gewässergütebericht ELBE 2000 Niedersachsen.
  2. Michael Bergemann: Gesamtliste der Fließgewässer im Elbeeinzugsgebiet. 2012