Nedderrhiensch
Nedderrhiensch oder Nedderrhiensch Platt is een Sammelbegreep för de nedderfranksch Dialekten an’n Nedderrhien. De Begreep betekent de Dialekten up de düütsche Sied, slütt man de nedderfrankschen Spraakvarietäten in Belgien un den Nedderlannen uut.
In de düütsche Dialektologie is dat uneens, of dat Nedderrhiensch as nedderdüütsch Spraakvarietät mit to dat dat Nedderdüütsch, also dat Plattdüütsch, tellt oder in de düütsche Dialektlandschop een egen nedderfranksche Grupp mit Hoogdüütsch statts Nedderlandsch as Dackspraak is.
De nedderfrankschen Dialekten in’n Nedderlannen, Belgien un langs den düütschen Nedderrhien warrt up de ole franksche Spraak vun’n Salfranken torüggföhrt. De süüdnedderfranksche Spraakruum twischen de Uerdinger Linie un de Benrather Linie is een Övergang twischen Nedderfranksch un Ripuarisch.
Den Woordschatt vun dat nedderrhiensch Platt is in dat Rheinische Wörterbuch to finnen. De moderne Regiolekt, dat nedderrhiensch Düütsch oder Nedderhien-Düütsch, verdrängt so as ook annerwegens dat nedderrhiensch Platt.
Literatuur
[ännern | Bornkood ännern]- Georg Cornelissen: Kleine niederrheinische Sprachgeschichte (1300–1900). Eine regionale Sprachgeschichte für das deutsch-niederländische Grenzgebiet zwischen Arnheim und Krefeld. Met een Nederlandstalige inleiding. Stichting Historie Peel-Maas-Niersgebied, Geldern/Venray 2003, ISBN 90-807292-2-1.
- Paul Eßer: Jenseits der Kopfweiden. Sprache und Literatur am Niederrhein. Grupello Verlag, Düsseldörp 2002, ISBN 3-933749-83-2.
- Kurt-Wilhelm Graf Laufs: Niederfränkisch-Niederrheinische Grammatik – für das Land an Rhein und Maas. Niederrheinisches Institut, Mönchengladbach 1995, ISBN 3-9804360-1-2.
Weblenken
[ännern | Bornkood ännern]- Cleefs-Mundart des unteren Niederrheins (hoogdüütsch)
- Sprachkarten des Landschaftsverbandes Rheinland (hoogdüütsch)
- Mölmsch – Mundart in Mülheim an der Ruhr (hoogdüütsch)
- Mundart in Krefeld (hoogdüütsch)