Crane Payment Innovations

Vun Wikipedia

De Crane Payment Innovations is en Ünnernehmen in Buxthu, dat Müntprüfanlagen herstellt. Dat höört to de Ünnernehmensgrupp Crane Co.

Historie[ännern | Bornkood ännern]

De National Rejectors, Inc. (NRI) is 1934 in Hot Springs in de USA grünnt worrn.[1] De National Rejectors, Inc. GmbH as düütschen Aflegger is 1956 in Hamborg grünnt worrn un harr toeerst 15 Anstellte.[1] Al 1959 is dat Ünnernehmen von Hamborg in’n Fruchthoff 6 in dat Westenn von Buxthu ümtagen.[1] Dat Moderünnernehmen NRI ut de USA is in de Johren 1980 von dat Ünnernehmen Crane Co. övernahmen worrn.[1] De ole Naam National Rejectors, Inc. för den düütschen Aflegger is aver noch bet 2011 bleven, as dat Ünnernehmen den ne’en Naam Crane Payment Innovations kregen hett.[1] In de Johren 1980 harr National Rejectors in Buxthu üm un bi 650 Lüüd in Lohn un Brood.[1] Na disse Tied hebbt sik aver bilütten elektroonsche Müntprüfsystemen dörsett un de mechaanschen Systemen aflööst. Dorüm keem dat Ünnernehmen mit weniger Lüüd ut. Ünner annern in’n März 2003 sünd 79 Lüüd gahn.[1] 2018 is bekannt worrn, dat ok de letzten 70 Lüüd in de Produkschoon jemehr Jobs verleert.[1] De Anlagen, de bet dorhen in Buxthu herstellt worrn sünd, schöölt in dat Wark in Manchester herstellt warrn.[1] In Buxthu blievt blots noch üm un bi 50 Arbeidsplätz in de Forschung un in’n Verdriev na.[1] Dat Ünnernehmen harr in Buxthu 2017 toletzt en Ümsatz von 44 Milljonen Euro maakt.[1]

Footnoten[ännern | Bornkood ännern]

  1. a b c d e f g h i j k Münzprüf-Firma: Crane Payment Innovations baut 70 Jobs ab, Stader Tageblatt an’n 25. Januar 2018


Koordinaten:53° 28′ N, 9° 40′ O