Mulsen (Land Wusten)

Vun Wikipedia
(wiederwiest vun Mulsum (Land Wusten))
Wapen/Flagg Koort

Wapen vun Mulsen

Mulsen
Laag vun Mulsen in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Flach: 8,43 km²
Inwahners: 497 (2012-12-3131. Dezember 2012)
Inwahnerdicht: 59 Inwahners pro km²
Hööchd: 3 m över NN
Postleettall: 27632
Vörwahl: 04742
Geograafsche Laag:
Koordinaten:53° 40′ N, 8° 33′ O
53° 40′ N, 8° 33′ O
Noordholt (Oortschop)Cappel (Neddersassen)MillmWremenMulsen (Land Wusten)DorumPadingbüddelMisselwarden
Laag von Mulsen in de Gemeen Wuster Noordseeküst (Koort lett sik anklicken)

Karte

Luftbild von Mulsen von 2012

Mulsen (hoochdüütsch Mulsum) is en Dörp un billt en Oortschop binnen de Gemeen Wuster Noordseeküst in’n Landkreis Cuxhoben in Neddersassen mit 540 Inwahners.

Blangen Mulsen sülvs höört dor ok de lüttjeren Öörd Barlinghusen, Lewen, Wierde un Sassendingen to.

Geografie[ännern | Bornkood ännern]

Mulsen liggt in’t Land Wusten in de Masch von de Werser. Na Oosten hen liggt dat Siedland, dör dat de Wallsgroov löppt. Dat Rebeed höört to’n Diekverband Land Wusten.

De Naveröörd sünd Dorum in’n Noordoosten, Sievern in’n Süüdoosten, Wremen in’n Süüdwesten, Misselwarden in’n Westen un Padingbüddel in’n Noordwesten.

Historie[ännern | Bornkood ännern]

Bi Mulsen hett de ole sassische Wahnplatz Feddersen Wierde legen, de von dat 1. Johrhunnert v. Chr. bet to dat 5. Johrhunnert n. Chr. bewahnt weer un von 1954 bet 1963 utgraavt worrn is.

An’n 9. August 1524 hett dat op’n Karkhoff bi de Marien-Kark en Slacht von de Kriegsknechten von Land Wusten mit de Lüüd von’n Arzbischop von Bremen Christoph geven. De Wusters hebbt verloren un ganz Wusten is plünnert worrn.

Dree Daag later hett dat en sworen Brand geven in Mulsen.

An’n 18. Juli 1849 is dat bi en Gewidder in’n Karktoorn inslahn un de Kark hett brennt.

In’n Eersten Weltkrieg sünd twölv Soldaten ut Mulsen fullen un in’n Tweten 21[1]. Teihn Lüüd sünd ut de beiden Krieg’ nich wedder na Huus kamen un vermisst.

De Bahnlien Bremerhoben-Cuxhoben is 1896 boot worrn un dor hett ok Mulsen en Bahnhoff kregen. De is aver 1991 dichtmaakt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Dorum in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1852 hett Mulsen to dat Vaagdiegericht Land Wusten höört. 1852 is dat Deel von dat Amt Dorum worrn un 1885 von’n Kreis Leh. Von 1932 bet 1977 weer de Oort Deel von’n Landkreis Wersermünn un keem 1977 denn an’n Landkreis Cuxhoben. 1974 is de Gemeen Deel von de Samtgemeen Land Wusten worrn.

To’n 1. Januar 2015 is de Gemeen Mulsen oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn. Sietdem billt Mulsen binnen de Gemeen en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[2] 34 Füürsteden*
1812-00-001812[3] 160**
1824-00-001824[4] 26 Füürsteden
1848-00-001848[5] 369 Lüüd, 66 Hüüs
1871-12-011. Dezember 1871[6] 134 Lüüd, 26 Hüüs**
1885-12-011. Dezember 1885[7] 108 Lüüd, 27 Hüüs**
1905-12-011. Dezember 1905[8] 127 Lüüd, 22 Hüüs**
1910-12-011. Dezember 1910[9] 412
1925-00-001925[10] 750
1933-00-001933[10] 416
1939-00-001939[10] 352
1987-12-3131. Dezember 1987[11] 438
1992-12-3131. Dezember 1992[11] 427
1997-12-3131. Dezember 1997[11] 427
2002-12-3131. Dezember 2002[11] 500
2007-12-3131. Dezember 2007[11] 494
2012-12-3131. Dezember 2012[11] 497
* Mulsener Veerdel
** blots Mulsen (ahn Barlinghusen, Lewen, Sassendingen, Wierde)

Religion[ännern | Bornkood ännern]

Marien-Kark

Mulsen is evangeelsch-luthersch präägt un billt mit de Marien-Kark en egen Kaspel. De Kark is so üm un bi 1250 boot worrn.

Politik[ännern | Bornkood ännern]

Gemeenraad (bet 2014)[ännern | Bornkood ännern]

Gemeenraad
Johr \ Partei Tall CDU SPD UWM ahn Partei
2001 7 1 5 1
2006 9 2 5 2
2011 9 1 4 3 1

Börgermeesters/Oortsvörsteihers[ännern | Bornkood ännern]

Börgermeesters:

Tied Naam Partei
–2011 Otto Bremer SPD
2011–31. Dezember 2014 Udo Skeraitis SPD

Oortsvörsteihers:

Tied Naam Partei
1. Januar 2015– Udo Skeraitis SPD

Wapen[ännern | Bornkood ännern]

Dat Wapen von Mulsen wiest op roden Grund en sülvern Kark mit en gollen Karkendöör, en gollen Wederhahn un dree gollen Klocken, de dör de Finster in’n Karkentoorn to sehn sünd. Vörn en sülvern Boor mit gollen Steel. Achtern in sülver de Johrstall 1524.

De Tall un de Boor steiht för de Slacht von 1524 twüschen de Wuster Kriegsknechten un de Lüüd von’n Arzbischop von Bremen. De Kark steiht för de Marien-Kark.

Kultur[ännern | Bornkood ännern]

En Denkmaal för de Fullenen ut Mulsen ut de twee Weltkrieg’ steiht bi de Kark.

Verenen[ännern | Bornkood ännern]

De Schützenvereen Mulsen is an’n 1. August 1909 grünnt worrn. Mulsen hett ok en egen Freewillige Füürwehr, de 1885 grünnt worrn is. In dat sülve Johr hebbt se ok en Füürwehrsprütt von G. A. Jauck köfft un en Sprüttenhuus an’n Karkhoff bi de Kark boot. De Sprütt von 1885 gifft dat ok vondaag noch.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Mulsen liggt an de Landsstraat 129, de in’n Noordoosten över Dorum na Millm löppt un in’n Süüdwesten över Wremen, Dingen un Weddewarden na Bremerhoben hen to. In’n Noordwesten geiht de Kreisstraat 68 na Misselwarden. Ans gifft dat lüttjere Straten na Sievern un Padingbüddel.

De nächste Opfohrt op en Autobahn is de Opfohrt 4 Niewohl op de Autobahn 27 (Afsnidd BremerhobenCuxhoben), de so üm un bi negen Kilometer weg is.

De Bahnlien Bremerhoben-Cuxhoben löppt dör Mulsen, de Oort hett aver keen egen Bahnhoff mehr. De nächste Bahnhoff is de Bahnhoff Wremen, wat so bi veer Kilometer weg is.

Scholen[ännern | Bornkood ännern]

De Volksschool in Mulsen is in de Johren 1970 dichtmaakt worrn. De Schölers gaht vondaag na dat Schoolzentrum Dorum op School.

Literatur[ännern | Bornkood ännern]

  • Willy Klenck: Das Dorfbuch von Mulsum im Lande Wursten, Kreis Wesermünde in Niedersachsen. Frankfurt a.M. 1959

Footnoten[ännern | Bornkood ännern]

  1. http://www.denkmalprojekt.org/dkm_deutschland/mulsumcux_wk1u2_ns.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 159
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 420
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 145
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 160
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 98
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de
  11. a b c d e f http://www.nls.niedersachsen.de/

Weblenken[ännern | Bornkood ännern]

Mulsen (Land Wusten). Mehr Biller, Videos oder Audiodateien to’t Thema gifft dat bi Wikimedia Commons.