Midnight (1934)

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Midnight
Düütsch Titel: Call it Murder
Produkschoonsland: USA
Johr vun’t Rutkamen: 1934
Läng: 76 Minuten
Originalspraak: Engelsch
Öllersfreegaav in Düütschland: FSK 0
Filmkru
Speelbaas: Chester Erskine
Dreihbook: Paul un Claire Sifton (Drama)
Chester Erskine
Produkschoon: Chester Erskine
Musik: Victor Alix
R.H. Bassett
Kamera: William O. Steiner
George Webber
Snitt: Leo Zochling
Dorstellers

Midnight (op plattdüütsch so veel as „Middernacht“; dt. Titel: Call It Murder) is de Titel vun en US-amerikaanschen Krimi ut dat Johr 1934. In dat Filmdrama vun Chester Erskine hebbt Sidney Fox, O.P. Heggie un Henry Hull de Hööftrullen speelt. In den Film hett Humphrey Bogart een vun sien eersten Optreden hatt.

Inholt[ännern | Bornkood ännern]

Ethel Saxton hett ehrn Ehmann ümbröcht un steiht nu för Gericht. De Sworenen ünner den Vörsitt vun Edward Weldon befinnt ehr för schullig un so kriggt se de Doodstraaf. Ünner de Tokiekers vun den Prozess is aver ok Stella, de de Fro för nich schullig hollt.

Veer Maanden later schall dat Oordeel vulltagen warrn. De Apentlichkeit is gegen Weldon opbröcht, vunwegen dat se den Moord nich ut Vörsatz maakt hett. Aver Weldon will dorvun nix weten. He hett blots sien Plicht gegenöver dat Gesett doon. De Reporter Nolan will an Weldon rankamen un lett sik dör den Swiegersöhn Joe an’n Avend vun’t Henrichten in’t Huus holen. Dorbi snackt he em jümmer wedder op de Veroordeelte an, ok as Besöök kummt, de em mit Kortenspelen de Tiet verdrieven will. in’n Achtergrund laat Joe un Nolan en Radio lopen, woneem live vun de Henrichtung bericht warrn schall. So will Nolan Weldon to en Reakschoon bewegen, man Weldon geiht nich vun sien harde Lien af.

Kort vör Middernacht dröpt sik Stella denn aver noch mit ehrn Fründ Gar Boni, denn se bi’n Prozess to’n eersten mol drapen hett un de nu vör längere Tiet na Chicago mutt. Ehr warrt kloor, dat he dat nich eernst meent hett mit ehr un he maakt opletzt mit ehr Sluss. Punkt Middernacht kummt allns tohopen: In’t Radio warrt de Henrichtung live överdragen un Nolan gifft to Reporter to wesen. Weldon nimmt dat so dull mit, dat he de versammelten Reporters vör sien Huus kloor maakt, dat he wedder so na dat Gesett hanneln wull, wenn dat nödig weer. Togliek warrt aver ok Gar Boni doodschaten. Stella kummt korte Tiet later mit sien Pistool na Huus un gifft den Moord to. Ok Nolan hett wat sehn un seggt to, dat he mit sien Story de Saak henbögen künn.

Stella gifft ehr Schuld to un nimmt in Koop, dat ok se op’n elektrischen Stohl kummt. Ehr Vadder is hen- un herreten mit sien Geföhlen. He mutt na dat Gesett gahn: He kann nich legen, man he will ok sien Dochter nich oppern. He röpt den Bezirksstaatsafkaat an, de denn ok vörbikiekt. De lett sik vun Stella noch mol nipp un nau vertellen, wat passeert is. An’t Enn stellt he fast, dat Stella gor nich op Boni schaten hebben kann. Se hett sik blots inbillt, dat se schaten harr, vunwegen dat se vun Truer, Leev un Ieversucht so opwöhlt weer un se sik denn mit Ethel Saxton identifizeert harr. Stella is nich schullig.

Kritik[ännern | Bornkood ännern]

De VideoWoche schreev to den Film, dat man em anmarken künn, dat sik dat üm en Adapschoon vun en Bühnenstück hannelt. Dat Huus vun de Weldons warrt al meist klaustrophoobsch för en expressionistisch Speel mit Schadden un Kameinstellen bruukt, de nich wennt sünd. De Geschicht kritiseert mit Ironie un Zynismus de US-amerikaansche Justiz, de Relatschoon twüschen Justiz un Politik un de Rull vun de Medien.

Achtergrünnen[ännern | Bornkood ännern]

De Film weer in de Biograph Studios in de Bronx in New York City dreiht. Midnight is de Originaltitel vun den Swartwittfilm, de an’n 7. März 1937 sien Premiere harr. As de Film teihn Johr later, an’n 13. September 1947, wedder opföhrt worrn is, lööp he ünner den ne’en Titel Call It Murder (op plattdüütsch so veel as „Segg Moord dorto“). In Düütschland is he ünner den ne’en Titel eerst 2008 to’n eersten mol wiest worrn, as he op DVD rutkamen is.

Weblenken[ännern | Bornkood ännern]