Michal Krčmář
Michal Krčmář (* 23. Januar 1991 in Vrchlabí, Okres Hradec Králové, Tschechoslowakei) is en tschechisch Biathlet. Krčmář start siet 2013 regelmatig in’n Weltcup un entwickel sück in de Folgejohren to’n konstantesten Athleten vun dat Team. Sien bitlang gröttste Spood is de Gewinn vun de Sülvermedaille in’n Sprint bi de Olympisch Winterspelen 2018, buterdem is he tweefack Medaillengewinner mit de Staffel bi Weltmeesterschapen un wurr dreemal Weltmeester in’n Sömmerbiathlon.
Sportlich Loopbahn
[ännern | Bornkood ännern]Groot Talent in dat tschechisch Team
[ännern | Bornkood ännern]Michal Krčmář is to’n Anfang vun sien Loopbahn för Spartak OEZ Letohrad, later för SKP Kornspitz Jablonec antreeden. Sien eersten internatschonalen Wettkamp hett he in’n November 2009 mit en IBU-Cup-Sprint in Nové Město na Moravě maakt, bi den he Rang 52 belegg. Kört dornah is he in Canmore eerstmals bi Jöögdweltmeesterschapen antreeden un wurr 13. vun dat es Eenzel, 38. vun den Sprints, 34. in de Verfolgung un mit Lukáš Kristejn, Vlastimil Vávra un Ondřej Exler Elfter in dat Staffelrennen. In den folgenden Winter hett he sück nich groot verbetert.
Sien eerste Medaillen bbi en IBU-Wettkamp hett Krčmář in‘n Rahmen vun de Junioreneuropameesterschapen 2011 in Ridnaun haalt, as he in Sprint un Verfolgung de Bronzemedaille wunn. In’t Eenzel keem he up Rang 6 un mit de Mixed-Staffel up Platz 8. Een Johr later hett he in de Staffel noch en Sülvermedaille wunnen.
Kört vörher, in’n Februar 2012, geev Krčmář in Kontiolahti sien Instand in den Weltcup un wurr in’n Sprint 73. Buterdem wunn he in Altenberg as 17. vun dat Eenzelrennen sien eersten IBU-Cup-Ranglistenpunkte. In’n Winter is he nah den Johreswessel weer to dat Weltcupteam stött un reck in Oberhof an de Siet vun Michal Šlesingr, Ondřej Moravec un Tomáš Krupčík as Slusslöper vun de tschechisch Staffel eerstmals en Top-Ten-Platzeeren. Ok bi de Heim-Weltmeesterschapen kreeg he för dat Staffelrennen en Startplatz un wurr mit Šlesingr, Moravec un Jaroslav Soukup Fieft. Düütlich stiegern kunn he sück aber in de Folgesaison un wunn in Le Grand-Bornand as 23. vun den Sprint eerstmals Weltcuppunkte, mit de Staffel verpass he buterdem in Ruhpolding mit Rang veer dat Podest blots knapp. Bi de Olympisch Spiele vun Sotschi, reck he düütlich kien Medaille. An dat Enn’n vun de Saison belegg he in de Gesamtwertung vun den Weltcup Rang 82.
De Winter 2014/15 verleep weniger upfällig, allerdings reck he mit Rang 15 in’n Verfolgungswettekamp up de Pokljuka-Hochebene in Slowenien sien persönlich best Weltcupergevnis. An dat Enn’n vun de Saison keem he up Rang 51 in’n Gesamt-Weltcup.
Podestplatz un olympisch Medaille
[ännern | Bornkood ännern]In de Saison 2015/16 wies Krčmář besünners nah den Johreswessel sien Können: In Ruhpolding qualifizeer he sück nah den Plätzen 12 un 21 för sien eersten Massenstart un hett den up Platz 27 afslooten, bi den in de Folgeweek an’n glieker Oord utdragen Eenzel leep he eerstmals ünner de best Teihn un in’n folgenden Massenstart keem he nah blots een Scheetfehler sogor up Platz 5. Hööchtpunkt vun den Winter wurrn denn för hüm de Weltmeesterschapen in Oslo, in deren Rahmen he in’t Eenzel eerstmals all twintig Schieven drapen dee un ok weer Platz 5 recken dee. In den Verloop vun den Folgewinter kunn he sück nochmals düchtig stiegern. Insgesamt keem he in de Individualrennen negen Mal ünner de best Teihn, verbeter sück bispeelswies in Östersund in‘n Verfolgungswettkamp vun Platz 38 up 7 un reck in dat Eenzel vun de Weltmeesterschapen ahn Scheetfehler Rang sechs. Ebenfalls fehlerfree bleev Krčmář bi dat Verfolgungsrennen in Ruhpolding un reck dormit sien eersten Podestplatz in‘n Weltcup. Dorbi weer he vun Utgansrang 29 losloopen un hett up de Slussrunn de vör hüm liggend Anton Schipulin un Arnd Peiffer överhaalt un keem as Dart in’t Teel. In de Gesamtwertung reck he den 17. Platz un weer dormit tweetbest Athlet vun sien Mannschap.
Ok in’n Winter 2017/18 kunn he mit mehreren Top-10-Platzeerungen övertüügen, dorünner mit Platz 5 in Ruhpolding. Liekers keem de Gewinn vun de Sülvermedaille bi den Sprint vun de Olympisch Spelen achter Arnd Peiffer unverwacht. Bi swoor Bedingungen weer Krčmář een vun veer Athleten mit fehlerfree Scheeten un kunn sien bit dorhen gröttsten Spood vör Dominik Windisch, Julian Eberhard, Erlend Bjøntegaard, Benedikt Doll un annern fiern. In den Gesamt-Weltcup reck he an dat Enn’n Rang 29.
Wiedere Medaillen seker he sück in’n August bi de Sömmerbiathlon-Weltmeesterschapen in sien Heimat, bi de he Gold in’n Sprint as ok Sülver in de Verfolgung un mit de Mixedstaffel haalen dee.
WM-Medaillen un spoodriekste Saison
[ännern | Bornkood ännern]
De Saison 2018/19 verleep in’n Weltcup so ähnlich as de Johren tovör, Krčmář keem regelmatig ünner de best Dartig (un somit in de Punkteränge) un kunn ok twee Top-Ten-Platzeeren haalen. An dat Enn’n vun de Saison leeg he in’n Weltcup up Rang 21. Bi de Weltmeesterschapen 2019 verpass he mit de Staffel as Veert en Medaille knapp. Ok de Folgesaison 2019/20 broch för Krčmář nah konstant Leistungen Rang 21 in de Gesamtwertung, as in dat Vörjohr ok. De gröttste Spood in disse Saison weer för Krčmář aber de Gewinn vun de Bronzemedaille mit de Mixedstaffel – gemeensam mit Eva Kristejn Puskarčíková, Markéta Davidová un Ondřej Moravec – bi de Weltmeesterschapen 2020 in Antholz.
In de Saison 2020/21 leep Krčmář in all Rennen, in de he antreeden weer, in de Punkteränge. Wegen en Corona-Infektschoon in’n Januar 2021 kunn he aber an 6 Wettkämpfe nich deelnehmen. In de Gesamtwertung reck dat aber doch för Rang 23. De eerst beid Rennen nah dee Krankheit hett Krčmář bi de Europameesterschapen 2021 bestreeden, in de he sück nah Platz 8 in’n Sprint in de Verfolgung noch de Sülvermedaille halen kunn. Blots de Ukrainer Artem Pryma weer nah de Slussrunn vör hüm. As all dree Johr tovör wunn he bi de Sömmerbiathlon-WM övertüügend Gold in Sprint und Verfolgung.
To Anfang vun den Winter 2021/22 reck Krčmář, nah den Rückträe vun Ondřej Moravec nu de öldste un erfohrenste Athlet vun dat tschechisch Team vun de Mannlüüd, bi de tweete Statschoon in Östersund as Veert vun de Verfolgung sien tweetbest Karriereergevnis. He nehm ok weer an de Olympisch Spelen teil, wo he aber kien Medaillen recken dee. An dat Enn’n vun de Saison belegg he Rang 28.
Sien konstanteste un spoodriekste Saison weer 2022/23, de he as 13. vun de Gesamtwertung afsluuten dee: Hüm gelungen Top-10-Platzeerungen in dree Sprintrennen as ok en veert Platz bi den Massenstart vun Östersund, bi dat he kört vör dat Enn’n vun den Loop noch vun Éric Perrot överhaalt wurr un dat Podest blots um 4 Sekunnen verpassen dee. Bi de WM weer en Medaille mit de Mannlüüd-Staffel nah starken Leistungen vun Krčmář, Tomáš Mikyska un Jakub Štvrtecký lang Tiet mögelk, Slusslöper Jonáš Mareček muss bi swoor Bedingungen in’n Liggendanslag aber twee Straafrunnen loopen un full so up Platz 4 torüch. De Saison 2023/24 verleep weniger upfällig. Een Top-Ten-Platz sprung in de Saison för Krčmář herut un so wurr he 28. in den Gesamtweltcup.
2024/25 weer he eerstmals nah länger Tiet nicht mehr de bestplatzeert Tscheche in’n Weltcup. He keem nich richtig vöran un Vítězslav Hornig kunn sück düütlich stiegern un hüm den Rang afloopen. Krčmář keem up Rang 29. Gemeensam mit Hornig, Jessica Jislová un Tereza Voborníková wunn he aber unverwacht bi de Weltmeesterschapen in‘n Mixedwettkampf achter de franzöösch Utwahl de Sülvermedaille.
De Olympiawinter broch hüm in’n Weltcup bit to de Spelen eenmal en Top-Ten-Platzeeren. Bi de Olympisch Spelen gelung hüm as best Platzeeren Platz 6 in’n Massenstart. Nah de Spelen schaff he noch eenmal bi den Sprint in Oslo den 10. Platz. An dat Enn’n vun de Saison keem he up Rang 20 in den Gesamtweltcup, een Platz achter sien Landsmann Vítězslav Hornig.
Persönliches
[ännern | Bornkood ännern]Krčmář is verheiraadt un hett twee Söhns. He leevt mit sien Fru in Jablonec nad Nisou.
Weblinks
[ännern | Bornkood ännern]
- Indrag in de Datenbank vun de IBU (engelsch)
- Indrag in de Datenbank vun de FIS (engelsch)
- Indrag bi Olympedia.org (engelsch)
- Michal Krčmář bi biathlon.com.ua (engelsch)
- Michal Krčmář bi biatlon.cz (tschechisch)
- Statistische Utwertung bi realbiathlon.com (engelsch)