Meenern

Vun Wikipedia
Wapen/Flagg Koort
hett keen Wapen
Meenern
Laag vun Meenern in Düütschland
Basisdaten
Bundsland: Neddersassen
Landkreis: Horborg
Samtgemeen: Hanstää
Gemeen: Unnel
Inwahners:
Hööchd: 104 m över NN
Postleettall: 21274
Vörwahl: 04189
Geograafsche Laag:
Koordinaten:53° 13′ N, 9° 56′ O
53° 13′ N, 9° 56′ O

Karte

Meenern (hoochdüütsch Meningen) is en lütten Oort in de Gemeen Unnel (Samtgemeen Hanstää) in’n Landkreis Horborg, Neddersassen. De Oort höört polietsch al von öllers bi Wehlen mit bi.

Geografie[ännern | Bornkood ännern]

De Oort liggt in de Lümbörger Heid un in dat Naturschuulrebeed Lümbörger Heid. Nich wied af liggt de 126 Meter över NN hoge Hingstbarg.

De Naveröörd sünd Hanstää, Niendörp un Ollsen in’n Noordoosten, Schätzendörp un Sohrndörp in’n Oosten, Unnel un Wils in’n Süüdoosten, Heimbeuk un Ehrhoorn in’n Süüdwesten, Wehlen un Tunnhoff in’n Westen un Wesel in’n Noordwesten.

Historie[ännern | Bornkood ännern]

De Oort kummt 1299 as Meninge toeerst in de Oorkunnen vör.[1] He weer to de Tied in Besitt von dat Klooster Scharnbääk, later von dat Klooster Ramßel.[1] 1616/1617 kummt de Oort in dat Geldregister von dat Amt Winsen dat eerste Maal mit twee Hoffsteden vör.[1][2] De öllere von de twee Goffsteden is denn en Tied later, villicht in’n Dörtigjohrigen Krieg, wööst worrn.[1]

Von 1847 bet 1908 hett dat in’n Süden von’n hüdigen Hoff Meenern noch en Hoffsteed geven, de Anboersteed Böhring.[1] Disse Hoff is ok Pastoornhoff nöömt worrn, von wegen, dat de Hoff von 1898 af an den „Heidpastoor“ Wilhelm Bode tohöört hett.[1] De Hoff is 1909 na en Blitzslagg afbrennt un nich wedder opboot worrn.[1] Na disse Tied bestünn Meenern wedder blots noch ut een Hoff.

Op’n hüdigen Haupthoff is in dat 19. Johrhunnert Bueree dreven worrn un dat geev en Weertschop.[1] Dat Fackwark-Gebüüd is 1883 afbrennt un 1884 denn as Massivbo wedder opboot worrn.[1]

In’n Mai 1899 hett de Hambörger Koopmann Johannes Nottebohm den Hoff von Claus Friedrich Schröder köfft.[1] He hett den Hoff 1913 an Frieda Lude överschreven, de he as Kind annahmen harr.[1] Frieda Lude hett 1917 Max Schubert freet, op den de Hoff 1924 överschreven worrn is.[1] Frieda un Max jemehr Dochter Mea Schubert hett 1947 Reinhard Rademacher freet.[1] 1952 sünd Mea un Reinhard gemeensam Besitters von’n Hoff worrn.[1] 1988 hett Reinhard Rademacher den Hoff an sien Söhn Werner Rademacher verpacht un 2005 ganz övergeven.[1] De Hoff Meenern warrt vondaag as Feern- un Riederhoff bruukt.[2]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Behrn in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Johren 1852 bet 1859 hett de Oort för en Tied to dat Amt Solzhusen höört. Na 1885 weer dat in’n Kreis Winsen un 1932 is dat Deel von’n Kreis Horborg worrn.

De Oort is an’n 1. Juli 1972 as Deel von de Gemeen Wehlen mit de Gemeenreform in Neddersassen an de Gemeen Unnel kamen.

Inwahnertall[ännern | Bornkood ännern]

Johr Inwahners
1791-00-001791[3] 2 Füürsteden
1824-00-001824[4] 2 Füürsteden
1848-00-001848[5] 21 Lüüd, 4 Hüüs
1871-12-011. Dezember 1871[6] 20 Lüüd, 3 Hüüs

Religion[ännern | Bornkood ännern]

Meenern is evangeelsch-luthersch präägt un höört to dat Kaspel von de Jakobi-Kark in Hanstää, to dat ok de Magdalenen-Kark in Unnel tohöört.

För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.

De Doden warrt op’n Karkhoff Wesel begraven.

Weertschop un Infrastruktur[ännern | Bornkood ännern]

För Meenern is de freewillige Füürwehr Wesel mit tostännig.

Verkehr[ännern | Bornkood ännern]

Von Meenern löppt en lüttjere Straat na Wesel an de Kreisstraat 27. Annere Straten gifft dat nich. De K 27 geiht in’n Noordwesten över Inzmöhlen un Handörp na Will an de Bundsstraat 3 ran un in’n Süüdoosten na Unnel un in Sohrndörp an de Landsstraat 213. Von Wesel na Noorden föhrt de K 73 na Schierhoorn.

De nächste Autobahn is de Autobahn 7 (Afsnidd HamborgHannover). De Opfohrt 41 Äästörp liggt so 15 Kilometer in’n Süüdoosten von Meenern an de K 5.

De nächste Bahnhoff is so bi söven Kilometer wied weg in’n Noordwesten de Bahnhoff Handörp an de Heidbahn.

Scholen[ännern | Bornkood ännern]

De Kinner ut Meenern gaht na de Grundschool Äästörp.

Literatur[ännern | Bornkood ännern]

  • H. Schettler un I. Wischhof: Ortschronik von Wesel mit Wehlen, Meiningen und Thonhof. Unnel 1994

Footnoten[ännern | Bornkood ännern]

  1. a b c d e f g h i j k l m n o http://www.meningen.de/PAGES/hofchronik.htm
  2. a b http://www.fernwandern.de/deutschland/meningen.html
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 152
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 400
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135

Weblenken[ännern | Bornkood ännern]