Martin Dreyer (Theoloog)

Vun Wikipedia
Zur Navigation springen Zur Suche springen
Martin Dreyer (2008)

Martin Dreyer (* 27. Februar 1965 in Hamborg) is Theoloog vun en Freekark. In de 90er Johren hett he in Hamborg de Jesus Freaks upmaakt. Dor is he in dat Johr 1994 för vun dat evangelikal Nahrichten-Magazin „ideaSpektrum“ to’n „Christ vun dat Johr“ wählt wurrn.

Leven un Beroop[ännern | Bornkood ännern]

Dreyer is in Hamborg-Hinsbleek un Hamborg-Hummelsbüddel nah School gahn. In Hummelsbüddel hett he 1985 ok sien Abitur maakt. Nah den Wehrdeenst hett he an de Universität Hamborg Biologie un Religion studeert. He woll dortiets Schoolmeester an’e högere School weern. Nah en Johr al hett he düt Studium afbraken. Vun 1991 af an bit 1995 hett he sik bi de Anskar-Kark in Hamborg to’n Paster utbillen laten. An’n 11. September 1995 is he denn ok to’n Paster vun düsse Freekark maakt wurrn. Bito hett he sik 1991 un 92 an dat „Institut für Weiterbildung und Psychotherapie“ utbillen laten to’n therapeutschen Raatgever in de Kuntreien vun Sucht un Drogen. Vun 1990 bit 1991 weer he in Amsterdam togange as Mischonaar bi Youth WITH A MISSION (Jugend mit en Mischoon), wat en Organisatschoon för junge Lüde is.

1992 hett he in Hamborg den christlichen Vereen för junge Lüde Jesus Freaks e.V. upmaakt. Bit 1998 is he dor as Paster un as Baas vun dat Ganze bleven.

Vun 1996 af an bit Februar 2001 is he as therapeutschen Raatgever togange ween bi de ambulante Drogenhölp „Palette e.V.“ in Hamborg.

Vun 2001 af an studeert he an de Universität to Köln Sozialpädagogik un vun 2003 af an is he togange as pädagoogsch Mitarbeider in dat Jugendzentrum in Köln- Sülz. Vun März 2004 af an hett he de Saak bi dat Internetcafé för junge Lüde „JuxJu“ in Köln-Junkersdorf in’e Hannen. Bito is he as Programmerer un as Trainer för Basketball un Dischtennis togang. He leevt mit sien Fro Rahel in Köln.

De „Volxbibel“[ännern | Bornkood ännern]

In dat Johr 2005 hett he de „Volxbibel“ rutbröcht. Dor hett he dat Nee Testament mit in en Spraak oder beter in en Slang översett oder överdragen, de ok vun Junge Lüde verstahn weern kann.

De Volxbibel is de eerste Bibel up de ganze Welt, wo jedeen, de anmellt is, över en Wiki in dat Internet an mitschrieven kann (Meist so, as bi de plattdüütsche Wikipedia).

De Makers vun de Volxbibel hefft sik vörnahmen, dat jem ehr Projekt mit de düütsche Spraak miwassen schall. Düsse Spraak ännert sik jeden Dag, un över dat Internet kann en dor jümmers bi mitmaken.

De Volxbibel schall ok jümmers de Spraak vun de jungen Lüden wiedergeven. Ok Minschen, de nich Theologie studeert hefft un de vun den Gloven nich veel mitkregen hefft, schöllt dat verstahn. Dor kaamt de Översetters natüürlich oorntlich wat vun den Kurs vun de Ooltgreeksche Spraak vun den Originaltext af. Man se hefft sik vörnahmen, dat de Sätz un ok de Lehren vun de Bibel up düsse Oort nich verkehrt wiedergeven weern schöllt. As de Volxbibel rutkamen weer, hett dat dor bi de Christen allerhand Striet üm geven.

Bi de christlich Künstlermess Promikon hett Dreyer in’n März 2006 vun en Jury den Pries „Award für Initiative und Vision“ för kregen.

Up den Karkendag 2007 in Köln is de Volxbibel up en Symposion vörstellt wurrn. Midderwielen is dor ok de tweete Uplaag vun rut.

Wat he rutbröcht hett[ännern | Bornkood ännern]

  • Vorwort und Nachwort, in Jesus Freaks, R.Brockhaus-Verlag, 3. Uplaag 1997, ISBN 3-417-20855-6
  • Mein Leben hat gerade erst angefangen, in 1965, R.Brockhaus-Verlag, 3. Uplaag 2005, ISBN 3-417-24895-7
  • Wir stehen zu dir, auch in schwierigen Zeiten, in Das haben meine Eltern gut gemacht, R.Brockhaus-Verlag, 2004, ISBN 3-417-24870-1
  • Die Volxbibel - Neues Testament, Volxbibel-Verlag Holzgerlingen 2005, ISBN 3-9810656-0-3
  • Die Volxbibel 2.0 - Neues Testament, Volxbibel-Verlag Holzgerlingen 2007, ISBN 3-9810656-3-8
  • Die Volxbibel - Das Anwenderhandbuch, Volxbibel-Verlag Holzgerlingen 2006, ISBN 3-9810656-1-1

Weblinks[ännern | Bornkood ännern]