Margaret Sarah Carpenter

Margaret Sarah Carpenter, borene Geddes (* 1793 in Salisbury; † 13. November 1872 in London) weer en engelsch Malerin.

Leven

Margaret Carpenter wurr 1793 as Dochter vun den Hauptmann Alexander Geddes un de sien Fru Harriet, borene Edison, in Salisbury boren. Dor kreeg se fröh Tekenünnerricht vun en dor levend Lehrer. Af 1812 hett se Porträts malt, för de se in de folgend Johren Utteknungen vun de Royal Society of Arts kreeg. 1814 truck se nah London, wo se to’n eersten Mal in de Royal Academy utstellen un sück as en ansehn Porträtmalerin fastsetten dee. Tüschen 1818 un 1866 hett se regelmatig in de Royal Academy, aber ok in de British Institution utstellt.

1817 hett se William Hookham Carpenter heiraadt, de an dat Britisch Museum tätig weer. Twee vun hör Kinner, William un Percy, wurrn later ok Maler. Se hett ok hör Süster Hariett mit den Maler William Collins bekannt maakt, un de beid hemm 1822 heiraadt. Nahdem hör Mann 1845 in Rente gahn weer, versörg se de Familie mit de Innahmen ut hör Maleree. Nah den Dood vun hör Mann 1846 kreeg se en jährliche Pension vun de Königin Victoria.

Margaret Carpenter weer en ansehn Porträtmalerin. Se hett över 250 Porträts maalt. Dree vun hör Warken befinnen sück hüüd in den National Portrait Gallery in London.

Literatur

Lionel Lambourne: Victorian Painting. London 1999.
William Cosmo Monkhouse: Carpenter, Margaret Sarah, in: Dictionary of National Biography. Bd. 9, 1887

Weblinks

Margaret Carpenter. Mehr Biller, Videos oder Audiodateien to’t Thema gifft dat bi Wikimedia Commons.