Zum Inhalt springen

María Corina Machado

Vun Wikipedia
María Corina Machado (2025)
Ünnerschrift vun María Corina Machado
Ünnerschrift vun María Corina Machado

María Corina Machado Parisca (* 7. Oktober 1967 in Caracas) is en venezolaansch oppositschonelle Politikerin. Hör wurr 2025 de Fredensnobelpries tospraken.

Leven

[ännern | Bornkood ännern]

Familie, Utbillen un beroplich Tätigkeit

[ännern | Bornkood ännern]

Se is de öldste vun veer Döchter in en Industriellen-Familie.[1] Hör Moder Corina Parisca Pérez, Ooroorenkelin vun den venezolaanschen Schriever Eduardo Blanco, weer Psychologin. Hör Vader Henrique Machado Zuloaga weer Stahlünnernehmer[2] un Vörsitter vun de Siderúrgica Venezolana Sivensa SA, den tweetgröttsten venezolaanschen Stahlproduzenten. Ünner de Regeeren vun Präsident Hugo Chávez wurr en Standoort vun de Firma 2010 enteegnet un verstaatlicht.[3]

Machado wurr an de Ursulinenschool Academia Merici in Caracas utbilld. Se hett Wertschapsingenieurwesen an de Katholischen Universität Andrés Bello studeert un hett de Hööftfächer Finanzen und Politik beleggt.[4] Hör Afsluss as Wertschapsingenieurin hett Machado 1989 maakt.[5] 1992 hett se tosommen mit hör Moder de Fundación Atenea in’t Leven ropen, en Stiftung to dat Betrüen un Rehabiliteeren vun Waisen un vernahlässigt Kinner vun Caracas;[6] se weer ok Präsidentin vun de Fundación Opportúnitas (Opportunitas-Stiftung). Nahdem se in‘n Automobilsektor in Valencia arbeit harr, truck se 1993 nah Caracas.

2009 wurr se in dat World Fellows Program an de Yale University upnommen, dat dorup utricht is, globale Führungskräfte in de Berieken apenliche Politik un Regeerungsführung uttobillen.[7] 2005 un 2011 nehm se an‘nYoung Global Leaders Forum vun dat Weltwertschapsforum (WEF) deel.[8][9][10]

María Corina Machado weer van 1990 bis 2001 mit Ricardo Sosa Branger verheiraadt. Mit hör Ex-Mann hett se dree Kinner (Ana Corina, Ricardo un Henrique Sosa). Nah de Scheeden in dat Johr 2001 övernehm se, liekers ständig Bedrohungen, tietwielig Exil un de Notwendigkeit vun Personenschuul, de alleenig Uptrecken vun hör Kinner. All dree leven hüüd, utwussen, in’t Utland.[11]

Politische Tätigkeit

[ännern | Bornkood ännern]

Machado weer in’n Juli 2002 en vun de Grünnerinnen vun de Nichtreeerungsorganisatschoon Súmate (spaansch för „Maak mit“, Vereenigung to de Förderung vun Verfaaten un Demokratie) för free Utööven vun politisch Rechte un Börgerrechte.[12] De Organisatschoon, de hööftsächlich vun Ingenieuren grünnd wurrn weer, aber in een Johr 50.000 Freewillige mobiliseeren kunn, weer mitbedeeligt an dat Tostannenkommn vun en Volks-Referendums in dat Johr 2004,[9] dat dat Afsetten vun Hugo Chávez as Teel harr, aber in’t Volk ünner annern wegen de wertschaplich Verhalen dör stiegend Öölpries, blots vun 40 Perzent vun de Stimmenden ünnerstütt wurrn weer.

Machado mit George W. Bush in dat Oval Office (2005)

2002 hett Machado angevlich dat Gesett to de Billen vun de Regeeren vun den demokraatschen Övergang un de natschonale Eenheit (spaansch: „Acta de Constitución del Gobierno de Transición Democrática y Unidad Nacional“) vun den dör en Putsch an de Macht kommen Övergangspräsidenten Pedro Carmona ünnerschreven. Machado hett dat in en Interview 2005 bestreeden.[13] Dat Gesett hett sück hööftsächlich up Artikel 350 vun de Verfaaten vun Venezuela beropen, de zivilen Ungehorsam erloovt, falls de Staat demokraatsche Prinzipien besehrt.[14][15][16] Nah kört Tiet wurr de Övergangsregierung in en chaotisch Situatschoon weer vun de Macht verdrängt. Anhänger vun Präsident Hugo Chávez hemm de Bedeeligten as Putschisten betekent. 2004 hett Chávez Dokumente bekannt maakt, de wiesen sullen, wu dat National Endowment for Democracy (NED) Organisatschonen vun de Zivilsellschopp vun dat Land, dorünner Súmate, betallt hett, de Towennen an Súmate bedrog dornah 50.000 Dollar.[17] María Corina Machado, Alejandro Plaz un anner Liddmaaten wurrn 2004 vun de Regierung Chávez wegen Landesverrat un Konspiratschoon anklaagt, wiel se disse Gelder to Wählerbeinflooten för dat Wedderwahleferendum annommen hemm söllt.[18] En Veroordeelen is aber nich bekannt.

Machado wurr bi de Parlamentswahl in‘n September 2010 mit dat Rekordergevnis vun all Wählt up Anfang 2011 in dat venezolaaansch Parlament wählt. De sozialistische Partei harr to glieker Tiet hör Tweedrüddelmehrheit verloren. Im September hett se in en Interview seggt, in Venezuela weer „en demokraatsch Sellschop verneelt un en autoritär Regime upricht“ wurrn. De Probleme vun Venezuela mussen aber vun de Venezolanern sülvst lööst wurrn.[9] An‘n 12. November 2011 wurr bi en Wahlveranstaltung in Caracas en Anslag up Machado veröövt, bi den Unbekannte en vun hör Mitarbeiter dör Schüsse besehrt hemm.[12]

An‘n 13. Januar 2012 hett Machado Präsident Chávez nah acht Stünnen vun sien meest teihnstündig Reed to de Laag vun de Natschoon ünnerbraken un hett hüm mit den Problemen vun de Minschen dör Levensmittelknappheit, Kriminalität un Verstaatlichung konfronteert. He würr in sien Reed en Land beschrieven, dat wiet weg weer, vun dat wat Fruen un Modern in Venezuela erfohren deen.[19] Tosätzlich hett se hüm vörsmeeten, dat he woll seggen dee, dat he dat Recht up Eegendoom schulen dee, to glieker Tiet aber Lüttünnernehmer enteignen dee: „Enteignung ahn Betallen is Klauen.“ Chávez hett antwort, dat se nich dat „Ranking“ harr, um mit hüm to debatteeren. „En Adler jagt kien Fleegen, Afordnete.“[20][21]

2012 hett se de Partei Vente Venezuela grünnd. Nah den Dood vun Chávez 2013 un den Upstieg vun sien Viezpräsidenten Nicolás Maduro steeg Machado to en Führungsfigur vun de venezolaansch Oppositschoon up. In‘n März 2014 wurr Machado up Anordnung vun den Parlamentspräsidenten ut de Kamer utslooten, wiel se en Inladen vun Panama to en Reed vör de Organisatschoon vun Amerikaansch Staaten annommen harr. Kört tovör harr dat vun den Chávez-Anhängern domineert Parlament all hör parlamentarische Immunität uphaben. In’n Mai hett de Justiz gegen hör en Utreisesparr utspraken, un Anfang Dezember 2014 wurr se formell de „Verschwörung“ anklaagt, woför in Venezuela bit to 16 Johren Haft drohen;[22] en up disse Anklaag folgend Veroordeelen is nich bekannt. Luut eegen Angaven ut en Interview 2020 stunn se af 2015 ünner en Utlandsreiseverbot un drüff ok in’t Inland kien Floogtüüch bruken, jeder en Träe vun hör wurr vun den Geheimdienst överwaakt, hör Telefon afhöört un in de staatlich Medien würr se verleumdet.[23]

Machado hett de Regeerung vun Venezuela af Mai 2016 as Militärdiktatur betekent as ok tosätzlich tegenöver de Organisatschoon vun Amerikaansch Staaten as mafiös un gruvelig.[24][25] In‘n Mai 2018 hett se de beid ehmalgen Präsidenten vun Kolumbien, Álvaro Uribe Vélez un Andrés Pastrana, up de Grenzbrügg drapen.[26]

De Verkloren to de Afsicht vun de Früendschap vun de Natschonen in’n Mai 2018 up de Grenzbrügg to Kolumbien

Luut Wall Street Journal weer Machado 2019 en vun de Entscheedensführer vun den Oppositschoon, de dat Utropen vun Parlamentspräsident Juan Guaidó as Övergangspräsident bedreev un somit de Legitimität vun de Regeerens- un Präsidentenbeschlüsse vun de Regeeren Maduro apen in Fraag stellen deen; Guaidó hett in’n Januar 2019 vör en Minschenmengt vun 100.000 verklort, den wegen de illegitimen Wahl 2018 „nich vörhannen“ Präsidenten as Övergangspräsident to ersetten. 54 Staaten hemm Guaidó bit in’n Sömmer 2020 as Övergangspräsidenten anerkennt, dorünner all westliche Demokratien un all EU-Staaten. Vun den luut Wall Street Journal veer Oppositschonspolitikern, de bi dissen Entscheed hööftsächlich bedeeligt weern, weer Machado de Eenzige, de in’n Februar 2019 noch in Venezuela un in Freeheit leev.[27]

Präsidentschapswahl 2024

[ännern | Bornkood ännern]

In‘n Juli 2023 wurr Machado för 15 Johr dat Utööven vun apenlich Ämter un somit de Deelnahm an de Präsidentschapswahl 2024 verboden.[28] Nahdem ok hör Ersatzkandidatin Corina Yoris de Inschrieven för de Kandidatur verwiegert wurrn weer, is Edmundo González as Gemeenschapskandidat vun dat Oppositionsbündnis Mesa de la Unidad Democrática antreeden, dat ok vun Machado unterstütt wurrd.[29] De New York Times hett hör de gröttste Wählermobiliseeren siet Chávez toschreeven un dat nah Johren vun de „politischen Apathie“ in Venezuela.[13] Harr se ünner regulär Bedingungen an den Wahlen deelnehmen kunnt harr, weer hör de Sieg gegen den Amtsinhebber, Präsident Nicolás Maduro, nah diversen Umfragen seker ween.[30] Stattdessen tour se nu in’n Naam vun Edmundo González dör dat Land un versöch mit hör Popularität den neen Kandidaten bekannt to maken („Todo el mundo con Edmundo“ – „De ganze Welt mit Edmundo“). Kört vör de Wahlen leeg he in Umfragen tüschen 20 un 30 Perzent vör Maduro.[1] För den Wahldag hett se „lütt Kommandos“ (spaansch pequeños comandos) nöömt örtliche Gruppen vun Verteidigern vun de Demokratie organiseert, de in den Wahlbüros Wahlfälschung to verhinnern versöcht bzw. dokumenteert hemm.[31] Anfang August 2024 schreev Machado in en Gastbidrag vun The Wall Street Journal ünner annern, dat Maduro entgegen de offiziellen Wahlergevnisse slahn wurr un dat se sück versteckt hollen de, wiel se Bang üm hör Leven weer. Machado nah hemm venezolaansch Sekerheitsbehörden siet de Wahl mindestens 20 Minschen umbrocht un 1000 wiedere inhafteert. Buterdem weern wiels de Demonstratschonen gegen de Regeeren vun Maduro Minschen verschwunden.[32]

Nah de Wahl is Machado ut Sekerheitsgrünnen meest nich mehr apenlich uptreeden.[33] Eerst nah Maanten, an’n 9. Januar 2025, en Dag för Madura sien nee Amtsinführen, is se an en Kundgeven in Caracas uptreeden un wurr vun Sekerheitskräften vun de Regeeren verhaft; se wurr an den sülvigen Dag weer up free Foot sett un leet mitdeelen, dat se sück an en seker Oort befinnen dee.[34][35]

Nahdem de Regeeren de Parlamentswahlen an‘n 25. Mai 2025 dordör vörbereiten dee, dat se in de Weeken vör den Wahldag Liddmaaten vun Minschenrechtsorganisatschonen un Politiker vun de Oppositschon verhaften leet,[36] hemm María Corina Machado un anner Oppositschonelle to’n Wahlboykott upropen.

Freedensnobelpries

[ännern | Bornkood ännern]

För „hör Insatz för de demokraatsch Rechte vun dat venezolaansch Volk“ wurde Machado 2025 Freedensnobelpries tospraaken. [37] Nomineert wurr se dör den republikaansch US-Butenminister Marco Rubio gemeensam mit Senator Rick Scott as ok den Kongressafordneten Mario Díaz-Balart un María Elvira Salazar.[38][39] Tonächst geev dat aber vun de amerikaansch Regeeren ok Kritik an de Entscheeden, den amerikaanschen Präsidenten bi de Verleehn to övergahn, so hett en Spreker vun dat Witt Huus seggt, dat Komitee harr mit disse Entscheeden „Politik över Freeden“ stellt.[40] In en Mitdeelen in dat Online-Nettwark X hett Machado den Pries den „liedend Volk vun Venezuela“ un US-Präsident Donald Trump „för sienentslooten Ünnerstütten vun uns Angelegenheit“ widmet[41][42] Wo sück Machado to’n Tietpunkt, as de Entscheeden ton’n Freedesnnobelpries verkünnd wurr, uphollen dee, weer nich bekannt.

De Norweegsch Freedensraat, de traditschonell en Fackelprozession to’n Anlaat vun de Preisverleehn organiseert, hett den för dat Johr 2025 afseggt. He hett verklort, dat de Liddmaatsorganisatschonen nich de Ansicht weern, dat de ditjohrig Freedensnobelpriesdrägerin mit den Werten vun den Norweegschen Freedensraat un deren Liddmaatsorganisatschonen in’n Inklang stahn würr.[43]

Bi de Preisverleehn weer se nich persönlich dorbi, ofschons se sück to dissen Tietpunkt woll all up den Weg nah Oslo befunn. Stattdessen nehm hör Dochter Ana stellvertredend för hör den Pries entgegen.[44]Wenig later keem dat doch noch to en persönlichen Upträe in Oslo.[45] Machado hett wenige Daag nah de Priesverleehn hör Ünnerstütten fö de politischen un militärischen Aktschonen vun de US-amerikaansch Regeeren in Betog up Venezuela verklort.[46] Nah de Verleehn vun den Freedensnobelpries in Oslo hett se seggt, dat sie den Land as Viezpräsidentin ünner den wähllten Präsidenten González deenen würr.[47]

As venezolaansch Oppositschonsführerin hett María Corina Machado hör Nobelpriesmedaille in‘n Januar 2026 US-Präsident Donald Trump schunken. Dormit harr se hör „Anerkennung för sien eenzigoordig Engagement för uns Freeheit“ to’n Utdruck bringen wullen, het se nah en Drapen mit Trump in dat Witt Huus seggt.[48] Dat Nobelkomitee hett mitdeelt, dat de Pries nich, ok nich symbolisch, wiedergeven oder deelt wurrn kann. Daröver herut würr sück dat Komitee nicht o dat Verhollen vun Drägern vun den Freedensnobelpries nah de Verleehn ütern; dat würr lediglich de Arbeit bit to den Tietpunkt vun de Vergaav bewert.[49]

US-amerikaansch Angreep up Venezuela 2026

[ännern | Bornkood ännern]

In’n Toog vun den US-amerikaanschen Angreep up Venezuela]] an‘n 3. Januar 2026 hett US-Präsident Donald Trump en Tosommenarbeit mit Machado utslooten: se weer „nett“, kreeg aber kien „Respekt“, so Trump. De US-Regeeren würr stattdessen mit Delcy Rodríguez, de bitherig Viezpräsidentin, tosommenarbeiten, un man harr sück ok all verständigt: „Wir haben gerade ein Gespräch mit ihr [Rodríguez] geführt, und sie ist im Grunde bereit, das zu tun, was wir für notwendig halten, um Venezuela wieder groß zu machen, ganz einfach.“[50][51] En CIA-Analyse, de US-Präsident Donald Trump vörleggt wurrn weer, weer to den Sluss kommen, dat Maduro-Loyalisten, dorünner Viezpräsidentin Delcy Rodriguez, sück an’n besten eegnen, de Stabilität in dat Land uprechttohollen, falls de venezolaansch Präsident de Macht verleesen sull.[52]

Positschonen

[ännern | Bornkood ännern]

Machado is in hör ökonomisch Positschonen wertschapsliberal. Se nöömt Margaret Thatcher as politisch Vörbild un wurr vun Journalisten wegen hör kämpferisch-optimistischen Rhetorik ok as „iesern Lady“ betekent.[53] Se will den Staat lüttger maken un den staatlichen Öölkonzern PDVSA privatiseeren. In sozialen Fragen lehnt se Afdrieven af, sofern die Schwangerschaft nich dör Vergewaltigung entstunn. Wegen hör Herkunft würr se luut NZZ „vom Regime bis heute als «rechtsradikal und bourgeois» beschimpft“.[21]

Machado twiefelt as eenige Vertreder vun de Lima-Grupp binnerhalb vun de Organisatschon vun Amerikaansch Staaten 2018 an de Mögelkeit, dat unrechtmäßige venezolaansch Regime in en demokraatschenWessel aftolösen. Oppositschonsparteien hemm aber wiederhen an Wahlen in Venezuela deelnommen.[54] 2019 forder se en massiven Druck vun Buten, denn blots de Drohung vun en Interventschoon würr Maduro övertüügen, de Macht aftogeven.[55] In‘n Oktober 2020 hett Machado en Manifest vun den spaansch Fundación Disenso ünnerschreven. Regionen vun Iberoamerika würrn vun totalitären Regimen kommunistisch Prägung in Geiselhaft nommen un „ünner den Scherm vun dat kubaansch Regime“ würr Machtzentren ideologisch infiltreert.[56]

Liekers wurr Machado 2024 as gemeensame Kandidatin vun de Vereenigt Oppositschoon nomineert. In’n Vörfeld vun de Wahlen 2024 „trat eine andere Machado auf“, schreev de NZZ, um hör Verännern to beschrieven.[21] Ok dat Nobelkomitee hett Machado jüst dorför loovt, dat dat Vörgahn vun Machado un de Oppositschon mit den Wahlbeobachtungen «innovativ, mutig, friedlich und demokratisch» ween weer.[42]

Nah den Utsluss vun de Präsidentschapswahl 2024 un hör allerletzten apenlich Upträe in Venezuela in‘n Januar 2025, bi den se vör en kört Tiet in Haft nommen wurr, wurr in’n Februar 2025 bi en Konferenz in Madrid en Video vun Machado afspeelt. Dat weer en Konferenz vun de Patrioten für Europa, en as rechtsextrem instuuft Fraktschoon in dat EU-Parlament; Organisator weer de rechtspopulistische spaansch Partei Vox.

In de Videobotschap hett Machado Venezuela as „die größte Bedrohung för den Westen“ betekent un hett to en gegensiedig Ünnerstütten upropen, wiel „die Kämpfe in Europa und in Venezuela die gleichen Ziele, Werte und Feinde haben“.[57][58][59] In‘n September 2025 nehm se per Videobotschaft an de ebenfalls vun Vox organiseert Konferenz „Europa Viva 25“ deel, in den se de Krise vun Venezuela un Europa als Identitätskrise vun den Verlust vun de Werte dorstell un de gemeensame Identität vun Europa un Venezuela betonen dee.[60][61]

Machado hett de umstreeden Tötungen, de US-Truppen in dat Vörfeld vun de US-Interventschoon van Januar 2026 dör Beschuss vun den Drogenhannel verdächtigen Booten vör de Küst vun Venezuela ünnernommen harr, billigt; de würrn „Leven retten“. Befragt nah Drohungen vun Donald Trump mit militärisch Ingriepen in Venezuela hett se seggt, „de gegenwärtige Eskalatschoon“ weer „de eenzige Weg, um Maduro klar to maken, dat he gahn moot“.[62]

Ehrungen un Utteknungen

[ännern | Bornkood ännern]
[ännern | Bornkood ännern]
María Corina Machado. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

[ännern | Bornkood ännern]
  1. 1 2 Marian Blasberg: Der Rentner, der Maduro stürzen könnte. In: Der Spiegel (online). Der Spiegel 29/2024, 13. Juli 2024, afropen an’n 13. Juli 2024.
  2. ↑ Trump sieht Friedensnobelpreisträgerin Machado nicht als Präsidentin. In: n-tv.de. 3. Januar 2026, afropen an’n 4. Januar 2026.
  3. ↑ TalCual: Falleció el empresario Henrique Machado Zuloaga, padre de María Corina Machado. In: TalCual. 22. Januar 2023, afropen an’n 16. August 2024 (spaansch).
  4. ↑ Esther Pinilla J: TELECINCO - televisión a la carta, series y entretenimiento. 10. Oktober 2025, afropen an’n 10. Oktober 2025 (spaansch).
  5. ↑ ¿Quién es María Corina Machado? De ingeniera a símbolo global de la resistencia democrática, Farocultural.com, 10. Oktober 2025
  6. ↑ Abraham Josue Blanco: “María Corina Machado, mujer valiente y perseverante por Venezuela”. In: lanacionweb.com. 25. Mai 2023, afropen an’n 10. Oktober 2025 (spaansch).
  7. ↑ Yale University President Announces 2009 Yale World Fellows | Yale News. 24. April 2009, afropen an’n 12. Oktober 2025 (engelsch).
  8. ↑ yglvoices: Maria Corina Machado - Young Global Leaders. 28. Februar 2011, afropen an’n 12. Oktober 2025.
  9. 1 2 3 “Building democracy every single day”. In: Yale Journal of International Affairs. 21. September 2011, afropen an’n 12. Oktober 2025 (amerikaansch Engelsch).
  10. ↑ The Forum of Young Global Leaders: M. (Nich mehr online verföögbor.) In: Young Global Leaders. Archiveert von dat Original am 21. Juli 2005 (engelsch).
  11. ↑ Esther Pinilla J: La vida personal de María Corina Machado más allá del Nobel de la Paz 2025: un divorcio, tres hijos y su discreta pareja. In: TELECINCO. 10. Oktober 2025, afropen an’n 10. Oktober 2025 (spaansch).
  12. 1 2 Video zeigt Attentat auf Oppositionspolitikerin (Memento von’n 5. März 2016 in dat Internet Archive)
  13. 1 2 The ‘Iron Lady’ of Venezuela Threatens to Unseat Its Autocrat. 24. Juli 2024 (nytimes.com [afropen an’n 10. Oktober 2025]).
  14. ↑ María Corina Machado (Memento von’n 14. Oktober 2014 in dat Internet Archive)
  15. ↑ Acta de constitución del Gobierno de Transición Democrática y Unidad Nacional (Memento von’n 13. Januar 2005 in dat Internet Archive)
  16. ↑ National Assembly (31. Mai 2002): Investiga los hechos ocurridos los dias 11,12,13 Y 14 de Abril de 2002 (Memento von’n 26. April 2006 in dat Internet Archive); “… si esto va a pasar hay que hacerle las cosas bien hechas, porque eso fue un disparate mayúsculo, técnico o político …”
  17. ↑ Hugo Chavez Accuses U.S. of Spending Over $1 Million To Help Oust Him (Memento von’n 2. April 2004 in dat Internet Archive) von Democracy Now!
  18. ↑ SÚMATE TRIAL DECISION - Statement by Tom Casey, Acting Spokesman (Memento von’n 10. März 2007 in dat Internet Archive) der US-Botschaft Caracas
  19. ↑ El día en que Corina Machado interrumpió el discurso de Hugo Chávez y le dijo que expropiar es robar. Afropen an’n 13. Oktober 2025 (spaansch).
  20. ↑ M. Corina Machado se enfrenta a Chávez en discurso y asegura que expropiaciones son un "robo". Afropen an’n 12. Juli 2023 (spaansch).
  21. 1 2 3 Alexander Busch: Der Friedensnobelpreis geht an María Corina Machado. NZZ, 10. Oktober 2025, afropen an’n 12. Oktober 2025.
  22. ↑ Tjerk Brühwiller, São Paulo: Maduros nächstes Opfer. In: nzz.ch. 4. Dezember 2014, afropen an’n 30. Januar 2024., NZZ, 4. Dezember 2014
  23. ↑ Interview mit María Corina Machado von 2020: «Das Regime fotografiert und bedroht sogar meine Kinder». 3. Januar 2020, afropen an’n 10. Oktober 2025.
  24. ↑ María Corina Machado: En Venezuela se vive bajo una dictadura militarista. (Nich mehr online verföögbor.) Archiveert von dat Original am 22. April 2019 (spaansch).
  25. ↑ María Corina Machado Verifizeert Account, Twitter, 16. November 2016, ziteert up El Nacional.com: Machado al Consejo de la OEA: En Venezuela hay una dictadura cruel, militarista y mafiosa, El Nacional, 16. November 2016
  26. ↑ Noticia al Dia: Machado se reúne con Uribe y Pastrana: Se comprometen a restituir democracia en Venezuela | noticiaaldia.com. (Nich mehr online verföögbor.) Archiveert von dat Original am 13. September 2018 (spaansch).
  27. ↑ Vörlaag:Webarchiv/Archive-is, The Wall Street Journal, 7. Februar 2019
  28. ↑ Alexander Busch: Regierung und Opposition in Venezuela einigen sich auf Präsidentschaftswahlen – doch saubere Wahlen sind kaum möglich. In: nzz.ch. Neue Zürcher Zeitung, 19. Oktober 2023, afropen an’n 21. Oktober 2023.
  29. ↑ Florantonia Singer: Edmundo González Urrutia, el candidato que no quería serlo. In: El País. 20. April 2024, afropen an’n 25. April 2024 (spaansch).
  30. ↑ Katharina Wegner: Zwei gegen Maduro. In: IPG-Journal. 4. Juni 2024, afropen an’n 10. Juni 2024.
  31. ↑ Tjerk Brühwiller: María Corina Machado. Mit Mut und Mehrheit. In: Frankfurter Allgemeine Zeitung, 2. August 2024, S. 8.
  32. ↑ I Can Prove Maduro Got Trounced. In: wsj.com. 2. August 2024, afropen an’n 1. August 2024.
  33. ↑ Nach Entführung: Machado wieder frei, Tages-Anzeiger, 9. Januar 2025
  34. ↑ Samantha Schmidt: Venezuelan opposition leader, Maria Corina Machado, is arrested. Afropen an’n 9. Januar 2025.
  35. ↑ Joe Daniels in Bogotá und Michael Stott in Rio de Janeiro: Maduro government briefly arrests Venezuela opposition leader. Financial Times, 9. Januar 2025, afropen an’n 9. Januar 2025 (engelsch).
  36. ↑ Thaís Rodríguez: Die Menschen wenden sich ab von der Politik. In: Lateinamerika Nachrichten, Jg. 53 (2025), Nummer 612, S. 9–11, hier S. 9.
  37. ↑ Friedensnobelpreis 2025: María Corina Machado aus Venezuela gewinnt. In: Spiegel Online. 10. Oktober 2025, afropen an’n 10. Oktober 2025.
  38. ↑ Alicia Civita: Marco Rubio Lead the Campaign to Get Venezuela's María Corina Machado the Nobel Peace Prize Openly Coveted by Trump. 10. Oktober 2025, afropen an’n 11. Oktober 2025 (engelsch).
  39. ↑ Rick Scott, Marco Rubio, Mario Díaz-Balart, María Elvira Salazar: Letter to The Norwegian Nobel Committee. In: Rick Scott. 26. August 2025, afropen an’n 12. Oktober 2025 (engelsch).
  40. ↑ Trump says he spoke with Machado after White House criticizes Nobel snub. In: Reuters. 10. Oktober 2025, afropen an’n 16. Oktober 2025.
  41. ↑ Machado widmete den Preis auch ihm: Trump berichtet von Telefonat mit Friedensnobelpreisträgerin. In: Tagesspiegel. 10. Oktober 2025, afropen an’n 11. Oktober 2025.
  42. 1 2 María Corina Machado: Die Nobelpreisträgerin und Trump. 12. Oktober 2025, afropen an’n 15. Oktober 2025.
  43. ↑ amerika21: Venezuela: Norwegischer Friedensrat sagt Zeremonie für Nobelpreisträgerin Machado ab. 27. Oktober 2025, afropen an’n 16. November 2025.
  44. ↑ Machado nach Flucht in Oslo – Tochter nimmt Preis entgegen. In: SRF. 11. Dezember 2025, afropen an’n 13. Dezember 2025.
  45. ↑ Friedensnobelpreisträgerin Machado schmuggelte sich nach Oslo. In: Der Spiegel. 11. Dezember 2025, afropen an’n 13. Dezember 2025.
  46. ↑ Machado spricht Trump uneingeschränkte Unterstützung aus. In: Die Zeit. 15. Dezember 2025, afropen an’n 17. Dezember 2025.
  47. ↑ Lauren Kent, Pau Mosquera: Venezuelan opposition leader says she aims for a peaceful transition after Maduro. In: CNN. 12. Dezember 2025, afropen an’n 13. Dezember 2025 (engelsch).
  48. ↑ Machado überreicht Trump Nobelpreismedaille. In: zeit.de. 16. Januar 2026, afropen an’n 16. Januar 2026.
  49. ↑ Nobelstiftung weist Machados Nobelpreis-Weitergabe an Trump zurück in www.spiegel.de van’n 19. Januar 2026
  50. ↑ Venezuela nach dem US-Angriff: Donald Trump brüskiert Nobelpreisträgerin Maria Corina Machado. In: Der Spiegel. 4. Januar 2026, ISSN 2195-1349 (spiegel.de [afropen an’n 4. Januar 2026]).
  51. ↑ Jens Glüsing: Welche dieser beiden Frauen unter Trump Venezuela führen soll. In: Der Spiegel. 4. Januar 2026, afropen an’n 5. Januar 2026.
  52. ↑ Steve Holland: CIA concludes regime loyalists best suited to lead Venezuela after Maduro, sources say. Reuters, 6. Januar 2026, afropen an’n 6. Januar 2026 (engelsch).
  53. ↑ Julie Turkewitz and Isayen Herrera: The'‘Iron Lady' of Venezuela Threatens to Unseat Its Autocrat. (Nich mehr online verföögbor.) In: New York Times. 25. Juli 2024, archiveert von dat Original am 12. Oktober 2025 (engelsch).
  54. ↑ Nations in the Americas disagree over policy about Venezuela (Memento von’n 30. Juni 2023 in dat Internet Archive), Economist Intelligence, 26. September 2018
  55. ↑ Venezuelan politician María Corina Machado wins Nobel peace prize, The Guardian, 10. Oktober 2025
  56. ↑ Fundación Disenso: Carta de Madrid: en defensa de la libertad y la democracia en la iberosfera. In: Fundación Disenso. 26. Oktober 2020, afropen an’n 11. Oktober 2025 (spaansch).
  57. ↑ Bianca Blei: Der Friedensnobelpreis an María Corina Machado für den Kampf gegen Venezuelas Machthaber. In: Der Standard. 10. Oktober 2025, afropen an’n 11. Oktober 2025.
  58. ↑ Los líderes de Patriots celebran su cumbre en Madrid llamando a “hacer Europa grande otra vez”. Die Spitzenpolitiker der Patriotsen feiern ihren Gipfel in Madrid und rufen dazu auf, „Europa wieder groß zu machen“. In: Telemadrid. 8. Februar 2025, afropen an’n 11. Oktober 2025 (spaansch).
  59. ↑ Sara Gómez Armas: La sombra de Trump planea en la cita de Patriotas en Madrid: “Vox es el puente entre la ultraderecha de Europa y América”. Der Schatten von Trump schwebt über dem Treffen der Patrioten in Madrid: „Vox ist die Brücke zwischen der extremen Rechten Europas und Amerikas“. In: rtve. 7. Februar 2025, afropen an’n 11. Oktober 2025 (spaansch).
  60. ↑ Jan Heidtmann: Nobelpreisträgerin: Für Frieden steht María Corina Machado nicht. (Nich mehr online verföögbor.) In: Süddeutsche Zeitung. 12. Oktober 2025, archiveert von dat Original am 24. Juli 2024.
  61. ↑ María Corina Machado's major speech at Europa Viva 2025. In: Venezuela En Vivo auf YouTube. 14. September 2025, afropen an’n 13. Oktober 2025 (engelsch).
  62. ↑ Mishal Husain: Venezuelan Opposition Leader: ‘We Are Ready to Take Over Government’. Hrsg.: Bloomberg.com. 31. Oktober 2025 (bloomberg.com [afropen an’n 5. Januar 2026]).
  63. ↑ Redacción Cádiz: El Premio Libertad Cortes de Cádiz es para tres opositores al régimen chavista. 13. Juni 2015, afropen an’n 12. Oktober 2025 (spaansch).
  64. ↑ LI Prize for Freedom 2019 awarded to Maria Corina Machado. In: Liberal International. 5. Oktober 2019, afropen an’n 12. Oktober 2025 (brietsch Engelsch).
  65. ↑ Der Sacharow-Preis 2024 geht an venezolanische Oppositionsführer. In: europarl.europa.eu. 26. September 2024, afropen an’n 24. Oktober 2024.
  66. ↑ 2024 Václav Havel Prize awarded to Venezuelan political figure and rights defender María Corina Machado (en).
  67. ↑ El Ayuntamiento reconoce a María Corina Machado, Sara García y la Fundación ASTI en el Día Internacional de la Mujer - Ayuntamiento de Madrid. Afropen an’n 10. Oktober 2025 (spaansch).
  68. ↑ Nobel Peace Prize 2025. In: nobelprize.org. Afropen an’n 10. Oktober 2025 (engelsch).
Vun „https://nds.wikipedia.org/w/index.php?title=María_Corina_Machado&oldid=1074330“