Lou Jeanmonnot
Lou Jeanmonnot-Laurent (* 28. Oktober 1998 in Pontarlier, Département Jura) is en franzöösch Biathletin. Se hett de Gesamtwertung vun den IBU-Cup 2021/22 wunnen un trett siet 2020 in‘n Weltcup an. In de Saison 2025/26 hett se den Weltcup wunnen.
Sportlich Loopbahn
[ännern | Bornkood ännern]Spood in’n Juniorenberiek (2015–2018)
[ännern | Bornkood ännern]Erstmals internatschonal spoodriek weer Lou Jeanmonnot bi dat Europääsch Olympisch Winter-Jugendfestival 2015, as se de Goldmedaille in de Verfolgung wunn. Hör nächst internatschonaler Upträe weer in’n Rahmen vun de Biathlon-Juniorenweltmeesterschapen 2016, bi de se den 5. Platz in’n Sprint as ok Platz 7 in’n Eenzel un in der Verfolgung recken dee. Bi de Olympisch Jöögd-Winterspelen 2016 wunn se in den Verfolger de Bronzemedaille.
In de Saison 2016/17 wurr Lou Jeanmonnot eerstmals in‘n IBU-Junior-Cup insett. Se leep dor konstant in de Top 20, wobi hör best Ergevnis Platz 8 in’n Sprint up de Pokljuka weer. Bi den Juniorenweltmeesterschapen in dat slowaaksch Osrblie wunn se in’t Enzel de Goldmedaille un in de Verfolgung noch ein Sülvermedaille.
Ok in de Saison 2017/18 is se in’n Junior-Cup antreden. Gliek in den eersten Wettbewarf vun den Witer leep se in Obertilliach as Dart vun den Sprint erstmals up en Podestplatz. Nah en tweeten Platz in Ridnaun kunn se in Nové Město na Moravě bi den Sprint to’n eersten Mal en Wettbewarf in’n IBU-Junior-Cup winnen. Bi de Juniorenweltmeesterschapen 2018 wunn se mit de Fruenstaffel, de Goldmedaille, bleev aber in de Eenzelrennen ahn grooten Spood. In de IBU-Junior-Cup-Gesamtwertung, keem se aber an dat Enn’n vun de Saison den 1. Platz, vör hör Mannschapskollegin Myrtille Bègue, de de sülvig Punktetall reckt harr. Ok de Sprintdisziplinwertung kunn se up hör Naam schrieven.
Medaillen bi Europameesterschapen un Weltcupdebüt (2018–2021)
[ännern | Bornkood ännern]Nah den Gewinn vun de Junior-Cup-Gesamtwertung is Lou Jeanmonnot in de Saison 2018/19 in‘n IBU-Cup vun de Senioren antreeden. Ok dor reck se goot Ergevnisse un keem sogot tweemal in de Top Ten. In de Gesamtwertung reck se Platz 25. Bi de Europameesterschapten 2019, de in Minsk stattfunnen, kunn Lou Jeanmonnot tosommen mit Aristide Bègue in de Single-Mixed-Staffel de Bronzemedaille haalen. Ok an de Biathlon-Juniorenweltmeesterschapen 2019 nehm se deel un wunn mit de Staffel weer de Goldmedaille. In de Saison 2019/20 kunn se as Dart vun den Supersprint vun Ridnaun eerstmals in‘n IBU-Cup up dat Podest loopen. An dat Enn’n vun de Saison keem se up Rang 33 in de Gesamtwertung.
In de Saison 2020/21 is Lou Jeanmonnot to’n Anfang vun den Wniter weer in’n IBU-Cup start. Nahdem se regelmatig in de Top Ten loopen weer un eenmal en Podestplatz reckt harr, keem se in’t Endafreken up den 5. Rang in de Gesamtwertung. To dat Enn’n vun den Winter geev se in’n März 2021 hör Weltcupdebüt in’n Rahmen vun de Wettkämpe in Nové Město na Moravě feiern. Gliek bi hör eersten Insatz, den Sprint an’n 6. März 2021, keem se up den 30. Rang un somit in de Punkteränge, in de dorto hörrn Verfolgung keem se up Rang 35. In de nächst Week kunn se sück dank fehlerfree Scheetleisitungen in de Verfolgung vun Platz 48 up den 26. Platz verbetern. An dat Enn’n vun de Saison keem se in de Gesamtwertung vun den Weltcup up Rang 72.
IBU-Cup-Gesamtsieg un eerste Weltcuptriumphe (siet 2021)
[ännern | Bornkood ännern]Nahdem Jeanmonnot sück nich för de Weltcupmannschap qualifizeeren kunn, is se in’n de Saison 2021/22 weer in den IBU-Cup antreeden. Se weer wohl immer mit vörn dorbi, aber lang nich up en Podestplatz. Den reck se an de Siet vun Émilien Claude in’n Single-Mixed-Wettbewarf trotz veer Straafrunnen mit Sülver bi de Europameesterschapen 2022. Nah de EM leep dat denn aber richtig goot för hör. Dat geev Podestplätze un in’n Sprint vun Ridnaun noch hör eerst IBU-Cup-Sieg. De un en wiederer Podestplatz to’n Afsluss hemm hör den Gesamtsieg in IBU-Cup mit 25 Punkten Vörsprung vör Ragnhild Femsteinevik brocht.
As IBU-Cup-Gesamtsiegerin kreeg Jeanmonnot ok hör persönlich Startrecht för de eerst Wettkämpfe in de Weltcuprennen vun Kontiolahti un reck gliek in dat eerste Rennen, dat Eenzel, glieks Platz 12. Ok in de Staffel keem se to’n Insatz un keem dor up Rang 4. Een Week later in Hochfilzen fier se an de Siet vun Anaïs Chevalier-Bouchet, Chloé Chevalier un Julia Simon hör eersten Weltcuppsieg mit de Staffel. Enn’n vun dat Johr in Annecy/Le Grand-Bornand keem se to’n eersten Mal in en Individualrennen ünner de Top Ten laufen. Bi den Sprintwettkamp reck se Platz 9 un kunne disse Platzeeren twee Daag later mit Platz 6 in’n Massenstart noch verbetern. Ok dat nee Johr leep ähnlich spoodriek wieder. Platz teihn in’n Sprint und 13 in de Verfolgung in de Wettkämpe up de Pokljuka reck se tosommen mit en 2. Platz in de Single-Mixed-Staffel gemeensam mit Antonin Guigonnat. Een Week later in Ruhpolding keem se in en Weltcuprennen eerstmalig up dat Podest in en Individualrennen. Bi dat 15-km-Eenzelrennen keem se mit en fehlerfree Scheeten up den 2. Platz, blots slahn vun Lisa Vittozzi. In twee Staffeln kunn se as Startlöperin noch twee Weltcupsiege fiern.
Bi de Weltmeesterschapen in Oberhof weer hör best Eenzelergevnis Rang 6 in den Verfolger un verpass ok mit de Daamenstaffel as Veert de Medaillenränge. Bi de Wettkämpfe von Östersund in’n März 2023 keem in dat Steffelrennen weer up dat Podest un in’n Massenstart reck se den 2. Platz achter Dorothea Wierer aber vör Julia Simon un Marte Olsbu Røiseland. In’t Scheeten all recht goot harr sück sück in dissen Winter in’t Loopen düchtig verbetert un reck an dat Enn vun de Saison Rang 11 in den Gesamtweltcup.
Kört nah den Saisonuptakt 2023/24 kunn Lou Jeanmonnot in‘n Sprint in Östersund hör eersten Weltcupsieg in en Individualdisziplin vör Karoline Offigstad Knotten, Juni Arnekleiv, Franziska Preuß un Vanessa Voigt fiern. Dör konstant vördere Platzeeren, dorünner acht Podestplätzen bi de letzt negen Rennen, hett se sück in de Weltspitze fastsett un leep in de Gesamtwertung luutend achter de Italienerin Vittozzi up Rang 2 in. Todem wunn se ok noch den Massenstart-Weltcup. Vun de Biathlon-Weltmeesterschapen 2024 keem se mit veer Medaillen torüch.
To de Saison 2024/25 leep hör sportliche Entwicklung so wieder. Insgesamt acht Weltcupsiege in Eenzeldisziplinen kreeg se in disse Saison hen, blots bi dat letzt Rennen, den Massenstart, keem se kört vör dat Teel to Fall un verlor den spannen Kamp um den Gesamtweltcup denkbar knapp gegen Franziska Preuß. Se wunn aber den Eenzel-Weltcup un den Verfolgungsweltcup. Bi de Biathlon-Weltmeesterschapen 2025 wunn se mit de Fruen-Staffel un de Mixed-Staffel jewiels de Goldmedaille un in dat Eenzelrennen wurrn se noch de Bronzemedaille.
In de Olympiasaison 2025/26 kunn se bit to de Olympisch Spelen dree Rennen winnen, dorto keemen noch veer tweete Plätze. Bi de Olympisch Spelen wunn se weer mit de beid Staffeln de Goldmedaille. Dorto keem noch en Bronzemedaille in’n Sprint un en Sülvermedaille in dat Eenzelrennen. An dat Enn’n vun de Saison wunn se ok den Biathlon-Gesamtweltcup, todem den Eenzel-Weltcup, den Sprint-Weltcup un den Verfolgungsweltcup.
