Dodenbeer

Vun Wikipedia
(wiederwiest vun Liekenköst)

Dodenbeer, Graffbeer, Liekenköst, Liekenbeer, Truermahltied oder Zarm is dat Eten na en Gräffnis.

En Eten na dat Gräffnis is vör allen in’n düütschen Ruum un in Skandinavien begäng. Dat geev fröher faken Verordnungen gegen dat Dodenbeer, denn so’n Dodenbeer kunn licht ok mal ümslagen. Denn fröher hebbt se würklich Beer utschenkt, wo se hüüt normalerwies blot noch Kaffee un Koken kriegt. Wenn se düchtig tolangt, denn heet dat ok wall dat Fell versupen. In welk Gegenden hebbt se ok en spezielle Graffsupp kennt, de dat dor to Eten geev. In Bremen un umto warrt to dat Dodenbeer Budderkoken seggt, vunwegen dat dat dor tomeist Budderkoken to 'n Koffie gifft.