Zum Inhalt springen

Leo XIV.

Linken ännern
Vun Wikipedia
Leo XIV. vöör sienen Pontifikat (2023)
Wapen vun Paapst Leo XIV
Kardinaalwapen vun Robert Francis Prevost

Leo XIV. (latiensch Leo XIV PP.; börgerlich: Robert Francis Prevost; * 14. September 1955 in Chicago) is sied den 8. Mai 2025 de 267. Bischop vun Rom un so Paapst, Böverste vun de röömsch-kathoolschen Kark un Souverän vun de Vatikanstadt. De US-amerikaansche Geistliche was Kurienkardinaal in de röömsch-kathoolschen Kark. He was vun 2001 bet 2013 Generalprior vun de Augustinerorden. Vun 2015 bet 2023 was he Bischop vun Chiclayo in Peru. Den 30. Januar 2023 wurr he Präfekt vun dat Dikasterium för de Bischööp beropen. Den 8. Mai 2025 is he Paapst Franziskus in düt Amt folgt un is de eerste US-amerikaansche Paapst.[1]

Leven

[ännern | Bornkood ännern]

Leo XIV. studeer an de Villanova University in Villanova bi Philadelphia Mathematik un Philosophie.[2] Na den Examina in beiden Fächern 1977 is he in den Augustinerorden intreden un legg den 29. August 1981 de ewige Profess af. He kreeg den 19. Juni 1982 dat Preestersakrament. 1985 maak he mit ene Dissertatschoon över Karkenrecht an de Pääpstlich Universität Hiliger Thomas vun Aquin („Angelicum“) sienen Dokter in Theologie. Vun 1985 bet 1987 arbeid he in de Territorialprälatuur Chulucanas in Peru, för de traditschoneel Augustiner sorgt. Vun 1988 bet 1998 weer he Leider vun dat gemeensaam Studiumsprojekt för Augustiner-Aspiranten uut den Vikariaten Chulucana, Iquitos un Apurímac in dat Arzbisschopdoomm Trujillo, ook in Peru. Daar was he Prior vun sienen Orden (1988–1992),Uutbildungsleiter (1988–1998), Lehrer vun de Perfessers (1992–1998) un Provinziaalböversten vun de Augustiner in Peru (1998–2001). In dat Arzbischopdoom Trujillo was he Gerichtsvikaar (1989–1998) un Perfesser för Karkenrecht, Patristik un Moraal in dat Preesterseminaar „San Carlos un San Marcelo“.[3] Vun 2001 bet 2013 was he Generaalprior vun de Augustinerorden in Rom.

Den 3. November 2014 bereep Paapst Franziskus em to’n Titulaarbischop vun Sufar un maak em Apostoolschen Administrater vun Chiclayo in Peru.[4]De Apostoolsche Nuntius in Peru, Arzbischop James Patrick Green, spenn em den 12. Dezember in dat glieke Jaar de Bischopswieh. Mitkonsekraters weren de Ooldbischop vun Chiclayo, Jesús Moliné Labarta, un de Arzbischop voun Ayacucho un Huamanga, Salvador Piñeiro García-Calderón. Paapst Franziskus bereep em den 26. September 2015 to’n Bischop vun Chiclayo.[5]

Den 13. Juli 2019 bereep em Paapst Franziskus för fieff Johren as Maat in de Kongregatschoon för den Klerus[6] un den 21. November 2020 as Maat in de Kongregatschoon för de Bischööp.[7] Den 15. April 2020 bet to’n 26. Mai 2021 was he in de Sedisvakanz ook Apostoolschen Administrater vun Callao.[8]

Den 30. Januar 2023 böör Paapst Franziskus em to’n Arzbischop un bereep em to’n Präfekt vun dat Dikasterium för de Bischööp un ook to’n Präsident vun de Pääpstlich Kommisschoon för Latienamerika[9]

In dat Konsistorium vun’n 30. September 2023 neem em Paapst Franziskus as Kardinaaldiakon mit de Titeldiakonie Santa Monica in dat Kardinalskollegium op.[10] Den 6. Februar 2025 böör em de Paapst to’n Kardinaalbischop vun dat suburbikanisch Bischopdom Albano.[11]

Den 11. Februar 2025 wurr Prevost döör den Grootmeister vun de Malteserorden Fra’ John Dunlop de Insignien vun dat Ehren- un Devotschoons-Grootkrüüz-Bailli veleent.[12]

Pontifikat

[ännern | Bornkood ännern]

Den 8. Mai 2025 wurr he in dat Konklaav 2025 to’n Paapst wählt un neem den Paapstnaam Leo XIV. an.[1]

Motto

[ännern | Bornkood ännern]

Sien Bischopsmotto is uut ene Predigt vun den hilligen Augustinus (Enarrationes in Psalmos 127,3) : “nos multi in illo uno unum”.[13]

Weblenken

[ännern | Bornkood ännern]

Nawiesen

[ännern | Bornkood ännern]
  1. ↑ a b tagesschau.de: US-Kardinal Prevost zum Papst gewählt. Afropen an’n 8. Mai 2025.
  2. ↑ José Antonio Jacinto Fiestas: Biografía de Monseñor Robert Francis Prevost Martínez O.S.A. In: Somos Iglesia (Chiclayo), Jg. 2015, Juni-Heft, S. 11.
  3. ↑ Bischof Robert Francis Prevost wird neuer Präfekt des Bischofs-Dikasteriums. Vatican News, 30. Januar 2023, afropen an’n 30. Januar 2023.
  4. ↑ Rinuncia del Vescovo di Chiclayo (Perú) e nomina dell’Amministratore Apostolico. In: Tägliches Bulletin. Presseamt des Heiligen Stuhls, 3. November 2014, afropen an’n 3. November 2014 (italieensch).
  5. ↑ Nomina del Vescovo di Chiclayo (Perú). In: Tägliches Bulletin. Presseamt des Heiligen Stuhls, 26. September 2015, afropen an’n 26. September 2015 (italieensch).
  6. ↑ Nomina di Membri della Congregazione per il Clero. In: Tägliches Bulletin. Presseamt des Heiligen Stuhls, 13. Juli 2019, afropen an’n 14. Juli 2019 (italieensch).
  7. ↑ Nomina di Membri della Congregazione per i Vescovi. In: Tägliches Bulletin. Presseamt des Heiligen Stuhls, 21. November 2020, afropen an’n 21. November 2020 (italieensch).
  8. ↑ Rinuncia del Vescovo di Callao (Perú) e nomina dell’Amministratore Apostolico „sede vacante“. In: Tägliches Bulletin. Presseamt des Heiligen Stuhls, 14. April 2020, afropen an’n 14. April 2020 (italieensch).
  9. ↑ Rinuncia del Prefetto del Dicastero per i Vescovi e Presidente della Pontificia Commissione per l’America Latina e Nomina del successore. In: Tägliches Bulletin. Presseamt des Heiligen Stuhls, 30. Januar 2023, afropen an’n 30. Januar 2023 (italieensch).
  10. ↑ Concistoro Ordinario Pubblico: Assegnazione dei Titoli e delle Diaconie ai nuovi Cardinali. In: Tägliches Bulletin. Presseamt des Heiligen Stuhls, 30. September 2023, afropen an’n 30. September 2023 (italieensch).
  11. ↑ Promozione all’Ordine dei Vescovi dell’Em.mo Card. Robert Francis Prevost, O.S.A. In: Tägliches Bulletin. Presseamt des Heiligen Stuhls, 6. Februar 2025, afropen an’n 6. Februar 2025 (italieensch).
  12. ↑ Kardinal Robert Francis Prevost die Insignien des Ehren- und Devotions-Großkreuz-Bailli verliehen. Afropen an’n 12. Februar 2025 (de-DE).
  13. ↑ S. Aurelii Augustini: Enarrationes in Psalmos. In: Patrologia Latina, Bd. 37, Sp. 1679 (online)


Vörgänger Amt Nafolger
Miguel Angel Orcasitas Gómez Generalprior vun de Augustinerorden
 Alejandro Moral
Jesús Moliné Labarte Bischof von Chiclayo
 Edinson Edgardo Farfán Córdova
Marc Kardinal Ouellet PSS Präfekt vun dat Dikasterium för de Bischööp
 —
Franziskus Paapst
Vun „https://nds.wikipedia.org/w/index.php?title=Leo_XIV.&oldid=1040296“