Köhlschapp

Vun Wikipedia

En Köhlschapp is en Reedschop, de bruukt waard, um Levensmiddel, Saaken to'n Drinken or ok anner Saaken köhl to holen, de keene högeren Temperaturen afkünnt, wiel se verdarven künnt or warm nich so good to verkonsumeern sünt. De mehrsten Köhlschapps sünd in’n Huusholt to finden un loopt mit elektrisch Strom. De Temperatur in en Köhlschapp liggt twüschen twee un acht Grad Celsius. Dat gifft ok (to’n Bispeel för’t Camping un wenn keen Strom to kriegen is) Köhlschapps, de to’n Warken Flüssiggas bruukt. Dat Köhlschapp is wat anners as dat Iesschapp: In en Köhlschapp is en Apparat inbuut, de de Luft kolt maakt.  Dat Iesschap is veel eenfacher opbuut un de öllere Konstrukschon: En Schapp, in dat Ies ut de Natur or ut de Iesfabrik rinleggt waard un so Eten un Drinken (or anner Saken) köhlt. Dat Iesschapp is bi uns in de föftiger Johr vun’t twintigste Johrhunnert aflööst wurn.

Olle elekrische Köhlschapps mit Kompresser (bi in de Meern vun 1990er Johrn) hefft mit FCKW (Fluorkohlenwaterstoffen) köhlt, dat de Ozonschicht in de Atmosphär vun de Eer twei maken deit, wenn dat Köhlssystem opmaakt waard or dat FCKW anners utlöppt. Vun 1992 an bit hüüt to Dag waard to’n Bispeel R134a as Ersatz för FCKW insett, düsse Kraam reduzeert den Ozongehalt in de Atmosphär ni.