John Michael Jumper
John Michael Jumper (* 1985 in Little Rock, Arkansas, USA) is en US-amerikaansch Chemiker un Experte för Künstliche Intelligenz (KI). Jumper weer fedderführend bi de Entwicklung vun de KI-Software AlphaFold vun dat Ünnernehmen DeepMind. De Software gell as Dörbröök bi de Vörherseggen vun de Proteinstruktur footend up de Aminosüersequenz vun dat Protein. 2024 wurr Jumper de Nobelpries för Chemie tospraaken.
Leven un Wirken
[ännern | Bornkood ännern]Jumper kreeg 2007 an de Vanderbilt University en Bachelor in Physik un in Mathematik. Ansluutend hett he an de University of Cambridge an en Dokterarbeit up dat Rebeet vun de Fastkörperphysik arbeit, hett de Universitär aber all nah een Johr mit en[ [Master]]-Afsluss verlaaten, um sück mit dat Thema Supercomputer un Proteinfaltung to befaaten. Tonächst hett he bit 2011 dree Johren bi D. E. Shaw Research arbeit un kreeg 2017 bi Karl Frederick Freed un Tobin Roy Sosnick an de University of Chicago einen Ph.D. in theoretischer Chemie. Ansluutend wurr he Arbeitsgruppenleiter för AlphaFold bi DeepMind, dat siet 2014 to Google LLC hörrt.
Jumper hett luut Google Scholar en h-Index vun 27,[1] luut Datenbank Scopus en vun 19[2] (jewiels Stand Oktober 2024). De Tietschrift Nature hett hüm 2021 to de Nature’s 10 tellt,[3] en List vun Weetenschapler mit besünner Infloot up de Welz oder de Weetenschap. Siet 2024 tell de Medienkonzern Clarivate hüm wegen de Tall vun de Zitatschonen to de Favoriten up en Nobelpries (Clarivate Citation Laureates). Sien 2021 in Nature herutbrocht Arbeit Highly accurate protein structure prediction with AlphaFold wurr luut Google Scholar (Stand Oktober 2024) mehr as 27.000-mal ziteert.[1]
2024 wurr Jumper gemeensam mit Demis Hassabis de Hälft vun den Nobelpries för Chemie tospraaken. Se kreegen de Utteknungen för hör Vörherseggen vun komplexen Proteinstrukturen mit Hülp vun künstlicher Intelligenz. De anner Hälft vun den Nobelpries kreeg David Baker för sien Forschungen up dat Rebeet vun dat computerstütt Proteindesign tospraaken.[4] Mit en Öller vun 39 Johren is he dorbi de jüngste Priesdräger för Chemie siet de Verleehen 1952 an Richard Laurence Millington Synge.[5]
Utteknungen
[ännern | Bornkood ännern]- 2021 Wiley Prize in Biomedical Sciences
- 2022 BBVA Foundation Frontiers of Knowledge Award[6]
- 2023 Breakthrough Prize in Life Sciences
- 2023 Canada Gairdner International Award
- 2023 Albert Lasker Award for Basic Medical Research[7]
- 2024 Nobelpries för Chemie
Weblinks
[ännern | Bornkood ännern]
- Commodore Alum brings DeepMind to AlphaFold. In: vanderbilt.edu. Vanderbilt University, 5. November 2021, afropen an’n 5. März 2022 (engelsch).
- Informatschonen to, un akadeemsch Stamboom vun John M. Jumper bi academictree.org
Enkeld Nahwiesen
[ännern | Bornkood ännern]- ↑ a b John Jumper. In: scholar.google.com. Google Scholar, afropen an’n 9. Oktober 2024.
- ↑ Jumper, John M. In: scopus.com. Scopus, afropen an’n 9. Oktober 2024 (engelsch).
- ↑ Ewen Callaway: Nature’s 10, John Jumper: Protein predictor. In: nature.com. Nature, 15. Dezember 2021, afropen an’n 5. März 2022 (engelsch).
- ↑ Chemie-Nobelpreis geht an drei Proteinforscher. In: tagesschau.de, 9. Oktober 2024 (afropen an’n 9. Oktober 2024).
- ↑ Vgl. Anneke Meyer: Chemie-Nobelpreis 2024: Die Molekül-Berechner. In: deutschlandfunk.de. 9. Oktober 2024, afropen an’n 10. Oktober 2024. Vör 1952 wurr de Pries nochmal fief Mal an jüngere Priesdräger vergeven.
- ↑ BBVA Foundation Frontiers of Knowledge Awards 2022
- ↑ Albert Lasker Basic Medical Research Award 2023