Johannes Zumtaugwald

Johannes Zumtaugwald (* 4. Januar 1826 in Zermatt; † 1900) weer en Bargführer ut de Anfangstiet vun den Zermatter Alpinismus.

Johannes Zumtaugwald

Leven

Johannes Zumtaugwald, Söhn vun Johann Joseph un Maria Katharina Zumtaugwald, weer en Zermatter Bargführer, de eenige Eerstbestiegen up prominente Swiezer Veerdusender ünnernommen hett, dorünner den höchsten komplett in de Swiez stahn Barg, den Dom (4545 m), un den hööchsten Swiezer Barg överhoopt, de Dufourtipp (4634 m). He weer de jüngere Bröer vun Matthäus Zumtaugwald un de öllere Bröer vun Stefan Zumtaugwald, denen ähnlich spektakuläre Eerstbestiegen gelungen; deelwies gungen se ok tosommen in de Seilschapen. Betallt wurrn de Ünnenehmungen dör engelsch Gäste as Leslie Stephen, den lateren Mitbegrünner vun den London Alpine Club, oder de beid Geistlichen Charles Hudson (Eerstbestieger vun den Matterhorn 1865) un John Llewelyn Davies.

Dank den US-amerikaanschen Alpinisten Henry Fairbanks Montagnier (1877–1933) sünd de Führerböker vun de dree Bröers Zumtaugwald erhollen bleeven un geven umfangriek Informatschonen över de Touren vun disse Anfangstiet vun den Alpinismus. So wurrd bispeelswies för 1862 en Versöök vun Johannes Zumtaugwald dokumenteert, dat Matterhorn to bestiegen, wobi he den Tipp aber nich reckt hett.

De Naam Zumtaugwald, de sück bit in dat Laatmiddelöller torüchverfolgen lett, stammt vun den Stammsitt vun de Familie in‘n Taugwald af, de dicht bi Zermatt liggt. De oltinseeten Familie hett mehrere Meier vun dat Freegericht Zermatt as ok eenige Preester hervörbrocht.

Eerstbestiegen

• 1855 Monte-Rosa-Dufourtipp över Westgrat, 4634 m. De Erstbesteigung funn an’n 1. August 1855 dör en vun Charles Hudson leit Seilschap statt. Wiedere Deelnehmer weern John Birkbeck, Edward J. W. Stephenson un de Bröers Christopher un James G. Smyth. De Bargführer Johannes un Matthäus Zumtaugwald ut Zermatt un Ulrich Lauener ut Lauterbrunnen hemm den Engländern den Weg bahnt.
• 1858 Dom över Festigrat, 4545 m 11. September 1858 vun J. Llewellyn Davies, Johannes Zumtaugwald, Johann Kronig un Hieronymous Brantschen.
• 1859 Rimpfischhorn, 4199 m ( 9. September 1859 mit Leslie Stephen, Robert Liveing, Melchior Anderegg
• 1862 Täschhorn över Kinflank, 4491 m 30. Juli 1862 dör Stefan un Johannes Zumtaugwald, J. Llewelyn Davies, J.W. Hayward un Peter-Josef Summermatter över NW-Flank (Kinflank) direkt vun Randa ut.