Joel Mokyr

Joel Mokyr

Joel Mokyr (* 26. Juli 1946 in Leiden) is en israeelsch-US-amerikaansch Wertschapshistoriker. 2025 kreeg he den Nobelpries för Weertschapswetenschapen för sien Forschungen to de Bedingungen, de düersam Wassdom dör technologischen Fortschritt mögelk maken.

Leven

Mokyr is in sien Jöögd nah Israel utwannert un hett Ökonomie un Geschichte an de Hebrääsch Universität in Jerusalem studeert mit den Bachelor-Afsluss 1968 un an de Yale University, an de he 1972 sien Master-Afsluss maken dee un 1974 bi William N. Parker in Wertschapsgeschichte promoveert wurr (Industrial Growth and Stagnation in the Low Countries 1800 bis 1850). 1972/73 weer he Instructor in Yale. He wurr 1974 Assistant Professor, 1978 Associate Professor un 1980 Perfesser an de Northwestern University. Buterdem lehrt he an de Universität Tel Aviv.

He weer Gastperfesser in Stanford (1979/80), Chicago (1981), Harvard (1982/83), Dublin (1986), an de Hebrääsch Universität (1993) un in Manchester (1996).

2006 kreeg he den A.H.-Heineken-Pries för Geschichte. He is Liddmaat vun de American Academy of Arts and Sciences un utwärtig Liddmaat vun de Königlich Nedderlannsch Akademie vun de Wetenschapen, de Accademia dei Lincei as ok de British Academy. För 2015 wurr hüm de Balzan-Pries tospraken.

Mokyr weer van 1995 bis 2003 Herutgever vun de Oxford Encyclopedia of Economic History. He weer Präsident vun de Economic History Association un Herutgever vun dat Journal of Economic History.

Siet 2021 tell hüpm de Medienkonzern Clarivate wegen sien Tahl vun Ziteerungen to de Favoriten up en Nobelpries (Clarivate Citation Laureates). Den hett he denn 2025 gemeensam mit Philippe Aghion un Peter Wilkinson Howitt ok kreegen. Dorbi kreeg Mokyr en Hälft vun den Pries „för dat Utfinnen vun de Bedingungen, de düersam Wassdom dör technologischen Fortschritt mögelk maken“, de anner Hälft gung an Aghion un Howitt.

Forschungsrebeeden

Mokyr befaat sück mit de Industrialisierung in den Nedderlannen un in England un allgemeen de Fraag, wieso eenig Länner wertschaplich spoodrieker sünd as anner un welke Rull dorbi Wetenschap, Bildung und Technologie spelen. He is en Vertreder vun de interdisziplinär vörgahnd New Economic History. Insbesünnere hett he de Upfaaten vertreeden, dat China in technologisch Hensicht bit etwa um 1500 mit de technologischen Entwicklung in Europa tominst mithollen kunn, wenn nich överleegen weer. De herrschende konfuziaansch Bürokratie harr aber dat Land tegenöver butere Inflooten afschott (ünner annern dör Beschränkungen vun de Schippfohrt un dat Verbot vun de Bau vun groot Schatzscheep) un en kreativen Ideenwettstriet verhinnert.

Schriften

• Industrialization in the Low Countries, 1795–1850, Yale University Press, 1976
• (Herausgeber:) The Economics of the Industrial Revolution, Totowa, NJ : Rowman & Allanheld, 1985.
• Why Ireland starved : a quantitative and analytical history of the Irish economy, 1800–1850, Allen and Unwin 1985
• The lever of riches: Technological creativity and economic progress, Oxford University Press, 1990
• Twenty five centuries of technological change: a historical survey, Harwood Academic Publishers 1990
• (Herausgeber:) British Industrial Revolution. An Economic Perspective, Westview Press 1999
• The gifts of Athena: Historical origins of the knowledge economy, Princeton University Press, 2002
• Long-term economic growth and the history of technology, in: Ph. Aghion, S. Durlauf (eds.), Handbook of Economic Growth, 1113–1180, Elsevier, 2005
• Enlightened Economy: An economic history of Britain 1750–1850, Yale University Press 2009
• (mit Ralf Meisenzahl): The rate and direction of invention in the British Industrial Revolution: incentives and institutions, Cambridge, National Bureau of Economic Research 2011
• A Culture of Growth: The Origins of the Modern Economy. (Graz Schumpeter Lectures.) Princeton University Press 2016

Weblinks

Joel Mokyr. Mehr Biller, Videos oder Audiodateien to’t Thema gifft dat bi Wikimedia Commons.

• Homepage
• Balzan Pries 2015 för Wertschapsgeschichte