Jerome Isaac Friedman

Jerome Isaac Friedman, 2016

Jerome Isaac Friedman (* 28. März 1930 in Chicago, Illinois) is en US-amerikaansch Physiker. 1990 kreeg he tosommen mit Richard Edward Taylor un Henry Way Kendall den Nobelpries för Physik för Experimente vun de deepinelastisch Streen vun Elektronen an Protonen un Neutronen, utführt Enn’n vun de 1960er Johren. De hemm de experimentelle Bestätigung vun dat Quarkmodell leefert, wornah de Karndeelken ut punktförmigen lüttgeren Deelken bestahn.

Leven

Friedman, de Söhn vun russischstämmiger Inwannerer, wull tonächst Kunst studeeren un harr ok all en Stipendium, is denn aber to de Physik wesselt, de he an de University of Chicago noch bi Enrico Fermi studeeren dee (Masterafsluss1953, Promotschoon 1956). 1957 hett he sück as Taylor un Kendall ok de Grupp vun Robert Hofstadter an dat Stanford Linear Accelerator Center (SLAC) anslooten, wo he ok mit Wolfgang Panofsky an de Entwicklung vun Elektronenbeschleunigern mitmaken dee un later de Nobelpries-kröönt Arbeiten mit sien beid Kollegen Kendall un Taylor utfführen dee. Af 1960 weer he an dat Massachusetts Institute of Technology tätig, wo he siet 1980 Direkter vun dat Labor för Karnphysik (Nuclear Studies) un van 1983 bit 1988 Leiter vun de Physikfakultät weer.

1980 wurr he in de American Academy of Arts and Sciences un 1992 sowohl in de National Academy of Sciences as ok in de American Association for the Advancement of Science upnommen. 2002 wurr he wählt Liddmaat vun de American Philosophical Society. 2016 wurr hüm de groot Orden der Aufgehenden Sonne am Band verleeht. Seit 2017 is he utwärtig Liddmaat vun de Academia Europaea. 1989 kreeg he mit Kendall un Taylor den Panofsky-Pries.

Weblinks

Jerome Isaac Friedman. Mehr Biller, Videos oder Audiodateien to’t Thema gifft dat bi Wikimedia Commons.

• Indrag up de Sieden vun den Nobelpries (engelsch)