Jelena Olegowna Serowa

Vun Wikipedia
Zur Navigation springen Zur Suche springen
Jelena Serowa

Jelena Olegowna Serowa (russisch: Елена Олеговна Серова; * 22. April 1976 in Wosdwischenka, dicht bi de Stadt Ussurijsk in de Region Primorje) is en russische Kosmonautin, de bit nu een Ruumfloog maakt hett.

Utbillen[ännern | Bornkood ännern]

Serowa hett 2001 hör Studium an dat Moskauer Staatlich Luftfohrtinstitut as Testingenieurin afslooten. 2003 folg denn noch en Afsluss in dat Fack Wertschapswetenschp an de Moskauer Universität för Instrumentenentwicklung un Computerwetenschapen. Vör hör Upnahm in dat Kosmonautenprogramm hett se as Technikerin bi den Ruumfohrtkonzern Energija un in dat Mission Control Center in Koroljow bi Moskau arbeit.

Ruumfohrertätigkeit[ännern | Bornkood ännern]

2006 wurr Serowa in de Kosmonauten-Trainingsgrupp RKKE-16 upnommen. Dat Basistraining düer van’ 26. Februar 2007 bit to’n 2. Juni 2009, dat se as Testkosmonautin mit dat Prädikat „goot“ afsluuten dee. 2011 wurr se denn för de Mission Sojus TMA-14M utwählt, bi de se as Bordingenieurin indeelt is. Up de ISS wurr se Liddmaat vun de Stammmannschap för de ISS-Expeditschonen 41 un 42. Serowa is de eerste Kosmonautin, de to de ISS flagen un eerst de veert russisch Fru, de in’ Weltruum flagen is. Hör Mission düer van' 25. September 2014 bit 12. März 2015, somit 167 Daag, 5 Stünn un 42 Minüüt.

Privates[ännern | Bornkood ännern]

Jelena Serowa is mit den ehmalgen Kosmonauten Mark Serow verheiraadt, de aber wohrschienlich ut gesundheetlich Grünnen ahn en Ruumfloog ut dat Kosmonautencorps utscheedt is. De beiden hemm een Dochter, de in 2004 boren wurrn is.

Weblenken[ännern | Bornkood ännern]

Commons-logo.svg Jelena Serowa. Mehr Biller, Videos oder Audiodateien to’t Thema gifft dat bi Wikimedia Commons.