Jean Baptiste Accolay

Jean Baptiste Accolay (* 17. April 1833 in Brüssel; † 19. August 1900 in Brügge) weer en belgisch Komponist, Violinist, Violin-Lehrer un Dirigent vun de Romantik.

Sien bekanntst Wark is dat Violinkonzert Nr. 1 in a-Moll ut dat Johr 1868, dat blots ut een Satz besteiht. Ofschons dat en Schöler-Wark is, dat ok hüüd noch in’ Vigelien-Ünnerricht bruukt wurrd, hebbt dat völ berühmt Vigelienspelers speelt, so ok Itzhak Perlman. Faszinierend doran is vör allen de groot expressiv Utdruckskraft ofschons blots eenfachst technisch Middel bruukt wurrd.

Weblenken

• DNB-Katalog
• Noten, Partituren un Uttüüg to Kompositschonen vun Jean Baptiste Accolay in dat International Music Score Library Project
• Personennaamdatei