James Nathaniel Meighan

Vun Wikipedia
(wiederwiest vun James Meighan)
Zur Navigation springen Zur Suche springen

James Nathaniel Meighan (* Dezember 1900 in Belize-Stadt; †) weer en Politiker ut Brietsch-Honduras/Belize (NIP, PUP).

Meighan is 1900 as Söhn von Annie Rebecca, borene Parks, un Vallancourt Augustus Meighan in Belize-Stadt boren.[1] He güng in Belize-Stadt op de St. John’s Boys School, op de Wesley High School, op dat Bannister’s College un op dat St. John’s College.[1]

Von 1915 bet 1957 hett he in’n öffentlichen Deenst arbeidt.[1] He weer Bibliothekar bi’n Supreme Court un 1943 bet 1948 District Commissioner in’n Distrikt Toledo, 1948 bet 1951 in’n Distrikt Stann Creek un 1951 in’n Distrikt Cayo.[1]

Meighan weer Maat von de National Independence Party (NIP) un is 1958 to’n Viez-Parteibaaas wählt worrn. Dör interne Kunflikten is he aver ut de Partei utslaten worrn un hett sik denn de People’s United Party (PUP) anslaten.

Bi de Wahl to’n Stadtraad von Belize-Stadt an’n 12. Dezember 1962 weer Meighan Kannedaat för de PUP un is mit 4975 Stimmen wählt worrn.[2] Bi de Wahl an’n 14. Dezember 1965 is he mit 4971 Stimmen wedderwählt worrn un an’n 30. April 1969 mit 5045 Stimmen.[2] Von 1969 bet 1971 weer he denn ok Börgermeester von Belize-Stadt.

Meighan weer twüschen 1965 un 1979 för de Regerungspartei PUP Maat von’n Senaat von Brietsch-Honduras. Ok den Posten as Viez-Präsident von’n Senaat hett he övernahmen.

Meighan hett an’n 1. November 1923 Madeline Elfreda Peebles freet.[1]

Ehren[ännern | Bornkood ännern]

To König Georg VI. sien Geboortsdag 1951 is Meighan Member of the Most Excellent Order of the British Empire worrn un to Königin Elisabeth II. ehren Geboortsdag 1971 Officer of the Most Excellent Order of the British Empire.

Footnoten[ännern | Bornkood ännern]

  1. a b c d e Personalities Caribbean. Personalities Limited, 1973, Sied 238
  2. a b Myrtle Palacio: Belize City Council Election Results 1962 to 2003