Jürgen Marschalck

Vun Wikipedia
Zur Navigation springen Zur Suche springen

Jürgen Marschalck (* 16. April 1626; † 6. April 1696) weer en düütschen Aadligen un Jurist. He weer Arvherr in Kronenborg, op Hutloh un to Geest.

Jürgen Marschalck is 1626 as dat veerte Kind von Jutta, borene von Marschalck (1585–1655), un Levin von Marschalck (1585-1629) boren un hett to de Familie von Marschalck tohöört. 1641 is he op de däänsche Akademie Sorø gahn. 1642 hett he en Studium an de Universität Utrecht anfungen. Nadem he ut de Heimat Naricht kregen harr, dat de Sweden dat Hertogdom Bremen un Veern innahmen harrn, is he na Hutloh trüggreist. He hett 1647 Studienreisen na Frankriek un Italien maakt. 1651 weer he an’n Hoff in Stockholm un is 1652 Landraad in dat Hertogdom Bremen un Veern worrn, dat na 1648 ünner de Herrschop von Sweden stünn (Swedentied). He weer veel as Afornten för dat Hertogdom Bremen un Veern ünnerwegens. Ünner annern weer he een von de twee Deputeerten ut dat Hertogdom as dat Wismarer Tribunal an’n 17. Mai 1653 apenmaakt hett. Dor is he 1657 ok Assesser worrn. An’n 18. Mai 1663 is he Regerungsraad worrn.

He weer von 1682 bet to sien Dood 1696 de Präsident von de Ridderschop von dat Hertogdom Bremen.

He hett an’n 14. Oktober 1656 Sophie Elisabeth, borene von Fränking (18. Juni 1637-11. November 1687), freet. De beiden harrn 15 Kinner, söss Söhns un negen Döchter. En Epitaph för de beiden hängt vondaag noch in de Marienkark in Heckthusen.