Jürgen Grote
Jürgen Grote (* 21. Februar 1936 in Swerin; † 3. Februar 2024[1] in Mainz[2]) wier ein dütschen Physiolog un Perfesser, de Präsident vun de Fritz-Reuter-Sellschop wier un sik för de plattdütsche Språk insetten dä.
Leven
[ännern | Bornkood ännern]Jürgen Grote würr as ein mang fiev Kinners von dat Swiezer Dokterpaar Ernst Grote (1905–1988) un Hildegard Grote, buren as Weber (1909–1995).[3]
Nå den Abitur 1956 in Melle studier Frote in Marborg un Kiel Medizin un Naturwätenschoppen. 1962 måk hei sien Ståtsexamen un kreeg den Titel Dr. med. un 1964 siene Promotschon tau’n Dr. rer. nat. 1969 habilitier hei in dat Fack Physiologie.
1973 bereep dat Afdeil för anwennt Physiologie vun de Universität Mainz em as Vörsteier. 1981 kreeg hei den Raup up den Liehrstauhl för Physiologie vun de Universität Bonn, wo hei von 1981 bet 2003 Direkter vun dat Institut för Physiologie I wier.[1]
Von 1996 bet 2018 wier Jürgen Grote Präsident von dei Fritz-Reuter-Sellschop un tauletzt dei Iehrenpräsident. An’n 9. Januar 2017 kreeg hei för sienen Verdeinst för dat Plattdütsch den Verdeinstorden vun’n Land Mäkelborg-Vörpommern. 2020 geev de Fritz Reuter Sellschop em einen Ihrenbreiw ut. Jürgen Grote wier von Band 9/1999 bet Band 30/2020 Mitrutgäwer von dei Beiträge der Fritz Reuter Gesellschaft.[4]
Weblenken
[ännern | Bornkood ännern]- Jürgen Grote in dat Verteiknis von dei Perfesserschen un Perfessers von dei Universität Mainz
Fautnoten
[ännern | Bornkood ännern]- 1 2 Trurannonce in’n General-Anzeiger Bonn von’n10. Februar 2024, upropen den 10. Februar 2024
- ↑ Hartmut Brun: Erinnerung an Jürgen Grote. In: Schweriner Volkszeitung / Mecklenburg Magazin von’n 9. Februar 2024.
- ↑ Oewer siene Öllern vegliek Michael Buddrus un Angrit Lorenzen-Schmidt: Ärzte in Mecklenburg im Dritten Reich : biographisches Lexikon [...].. 2 Bde. Edition Temmen, Bremen 2023. ISBN 978-3-8378-4072-8. S. 217 f.
- ↑ DNB 018374379