Innozenz V.

Papst Innozenz V. (Fresko vun Tommaso da Modena, 1350)

Seliger Innozenz V.

Wappen vun Innozenz V., modern Nahteeknung

Innozenz V., oorsprünglich Pierre de Tarentaise OP (* 1225 in dat hüdige Moûtiers in de Tarentaise, Deel vun Savoyen; † 22. Juni 1276 in Rom), weer in dat Veerpäpstejohr 1276 för wenige Maand de tweet Paapst vun dat Johr.

Leven

Siet 1264 weer he Provinzial vun den Dominikanerorden. 1272 wurr he to’n Arzbischop vun Lyon un 1273 to’n Kardinalbischop vun dat Ostia nöömt. He weer ok Perfesser an de Pariser Sorbonne. As Mitarbeiter vun Thomas von Aquin un Albertus Magnus hett he sück in de Wetenschap en grötteren Naam maakt als wiels sien Pontifikat. In disse Tiet kreeg he den Titel Doctor famosissimus.

Innozenz V. wurr an’n 21. Januar 1276 to’n Paapst wählt, blots een Dag nah Anfang vun dat Konklave, dat eerstmals nah de streng Regeln vun sien Vörgänger Gregor X. tosommen keem. Dorbi drüffen de Kardinäle dat Gebäude nich verlaaten, bevör en nee Paapst wählt wurrn weer. Innozenz weer de eerste Dominikaner up den Stohl Petri un hett dat Amt blots en knapp halv Johr bit to sien Dood an’n 22. Juni 1276 utöövt. Ofschons he to Neutralität neegen dee, keem he düchtig gau ünner den Infloot vun Karl I. vun Sizilien, de as röömsch Senator in Rom resideeren dee. Dorüm hett he klaglos de sien Politik tegenöver Rudolf vun Habsburg ünnerstütt. He hett sück ok vergeevens bemöht, de Karkenunion mit Byzanz to verbetern.

Paapst Innozenz V. wurr in San Giovanni in Laterano begraven. Mit den grooten Brand in dat fJohr 1308 gung ok sien Graffstäe verloren. He wurr an’n 3. März 1898 vun Paapst Leo XIII. seligspraaken. Sien kathoolsch Gedenkdag is sien Doodsdag an’n 22. Juni.

Warken

• In quattuor libros sententiarum commentaria. 4 Bde. Toulouse 1652.

Literatur

• Beatus Innocentius PP. V. (Petrus de Tarentaise OP). Studia et documenta. Rom 1943.
• Palémon Glorieux: Le Quodlibet de Pierre de Tarentaise, in: Recherches de théologie ancienne et médiévale 9 (1937) S. 237–280.
• I.-M. Vosté: Beatus Petrus de Tarentasia in epistulam ad Hebraeos. In: Divus Thomas: Commentarium de philosophia et theologia. Bd. 46, Collegi Alberoni, Piacenza 1943, S. 3–28.

Weblinks

Innozenz V.. Mehr Biller, Videos oder Audiodateien to’t Thema gifft dat bi Wikimedia Commons.

• Innozenz V. up vaticanhistory.de
• Indrag in: Catholic Encyclopedia, Robert Appleton Company, New York 1913.
• Innozens V. up catholic-hierarchy.org

Enkeld Nahwiesen

Vörgänger	Amt	Nafolger
Gregor X.	Paapst 1276	Hadrian V.