Ingerid Dal
Ingerid Dal, met vullen Naam Ingerid Blanca Juell Dal (* 2. August 1895 in Christiana; † 17. Februar 1985 in Oslo) weer ene noorsche Spraakwetenschoppersch, de för eer Bidrag in de germanistsche Spraakwetenschop bekannt worrn is.
Leven un Wark
[ännern | Bornkood ännern]Ingerid Dal keem den 2. August 1895 in dat noorsche Christiana, vundaag Oslo, op de Welt. Eer Modder weer de Schrieversch Signe Greve (1867–1944); eer Vader de Lekter Adolf Martin Dal (1863–1948).[1]
Se maak 1914 eer Examen Artium un studeer denn Philologie op de Universität Oslo.[2] Na den Eersten Weltkrieg studeer se Mathematik un Spraakwetenschop op de Universität Heidelberg. Se maak 1925 denn eren Dokter op de Universität Hamborg mit eer Dissertatschoon Lasks Kategorienlehre im Verhältnis zu Kants Philosophie (plattdüütsch ‘Lasks sien Kategorienlehre in Relatschoon to Kant sien Philosophie’).[3] Eer tweden Doktergraad maak se 1930 op de Universität Oslo met dat Thema Ursprung und Verwendung der altnordischen Expletivpartikel of, um (plattdüütsch ‘Oorsprung un Bruuk vun den ooldnoordschen Expletivpartikel of, um’).
1939 folg se Jakob Sverdrup op den Leerstool för germaansche Philologie an de Universität Oslo
Besünner Interess harr se an dat Wark vun Thomas Mann, Ernst Cassirer un Wilhelm von Humboldt. Se befaat sik mit dat Engelsche, Gootsche, Ooldnoordsche, Hooddüütsche, Nedderlandsche un ook mit dat Plattdüütsche.
In’n noorschen Spraakstried stünn se för de kunservative Riksmål op däänsche Grundlaag in.
De Professor Ingerid Dal og søster Ulrikke Greve Dals pris for humanistisk forskning (plattdüütsch ‘Perfesser Ingerid Dal un Söster Ulirkke Greve Dal-Pries för humanitsch Forschen’) is een Pries, de jeed Jaar uutgeven warrt un den Naam vun Ingerid Dal un eer Söster dregt.
Utmerkelser
[ännern | Bornkood ännern]- Opnaam in Det Norske Videnskaps-Akademi (1940)
- Nansenfondet-Pries för utermaten good wetenschoplich Ünnersöök (1955)
- Goethemedaille in Sülver (1960) un Gold (1976)
- Erenliddmaat in Norsk forening for språkvitenskap
Publikatschonen
[ännern | Bornkood ännern]- Kurze deutsche Syntax auf historischer Grundlage (1942)
Footnoten
[ännern | Bornkood ännern]- ↑ Olav Ingstad: Slekten Greve. Bargen: 1943, S. 45-45.
- ↑ Ingerid Dal in Norsk biografisk leksikon.
- ↑ Nasjonalbiblioteket. Afropen an’n 18. April 2025.
Nettverwies
[ännern | Bornkood ännern]- Digitaliseerte Böker vun un över Ingerid Dal in de Noorsche Natschonaalbökeree