Ikarus
Ikarus (ooldgreeksch Ἴκαρος Íkaros, latiensch Icarus) weer in de Mythologie vun’t ole Grekenland de Söhn vun den Handwarksmeister Daidalos, de Architekt vun dat Labyrinth op Kreta, un siene Fro Naukrate. Nadat Theseus, König vun Athen un Fiend vun König Minos, ut dat Labyrinth flücht weer, meen Minos, dat Ikarus un Daidalos de Geheemnissen vun dat Labyrinth verraden harrn. Dorüm leet he beide insluten – je na överlevert Geschichte in enen hogen Toorn an de See oder direkt in dat Labyrinth.[1][2]
Ikarus un Daidalos kunnen mit Flögels flüchten, de Daidalos ut Vagelfeddern, Wieren, Ledderriemen un Wass maakt harr.[3] Vör de Flucht wohrscho Daidalos sienen Söhn, nich to deep to flegen, üm dat Water de Feddern natt maken kunn, aver ok nich to dicht bi de Sünn, üm dat de Hitt dat Wass smölten kunn.[3] Ikarus höör nich op sienen Vadder un fleeg to dicht an de Sünn ran. Dat Wass in siene Flögels smult, he stört ut den Heven in de See un verdrunk. Ut disse Vertellen stammt dat Seggwies „to dicht an de Sünn flegen“. In en poor Varianten vun de Saag flüchten Daidalos un Ikarus man ok mit enen Schipp.[1][4]
De Saag
[ännern | Bornkood ännern]
Ikarus sien Vadder Daidalos, en hoochbegaavten Handwarker ut Athen, bo för König Minos vun Kreta en Labyrinth bi den Palast in Knossos, üm de Minotauros dor intosparren. De Minotauros weer en halv Minsch un halv Bull, de Minos siene Fro Pasiphaë mit den kreetschen Bullen tüügt harr.
Minos leet ok Daidalos in’t Labyrinth insluten, üm dat he glööv, dat Daidalos siene Dochter Ariadne en Knull Goorn geven harr, dormit Theseus ut dat Labyrinth rutfinnen un den Minotauros döden kunn.[5]
Daidalos maak twee Poor Flögels – een för sik sülvst un een för sien Söhn. De Feddern weren mit Wass an en Ledderrahmen fastmaakt. Vör de Flucht wohrscho he Ikarus, nich to dicht bi de Sünn oder de See to flegen. Aver Ikarus weer vun dat Flegen so andaan, dat he höger un höger steeg. De Hitt vun de Sünn smult dat Wass. De Feddern lösen sik en na de anner. Ikarus versöch noch, mit de bloten Arms in de Luft to blieven, aver denn stört he opletzt in de See un verdrunk.
Daidalos truer üm sienen Söhn un nööm dat neegste Eiland Ikaria na em. De See ümto heet vundaag noch de Ikarsche See.[6][7]
Mit grooten Verdreet reis Daidalos na Sizilien, heng sien egen Flögels in enen Tempel vun Apollon op un sweer, nie nich wedder to flegen.[8]
Rezeptschoon
[ännern | Bornkood ännern]Klassische Literatur
[ännern | Bornkood ännern]Vertellen över Ikarus finnt sik in Pseudo-Apollodor siene Bibliotheca, in Diodorus Siculus siene Bibliotheca historica, in Hyginus siene Fabulae, in Vergil siene Aeneid un in Ovid siene Metamorphoses. Ok anner antike Schrievers as Lukian vun Samosata nehmt Betog op de Saag.[9]
Besünners de Dorstellen bi Ovid het de europääsche Literatur stark beinfloodt. Sporen vun den Stoff givt dat bi Chaucer, Marlowe, Shakespeare, Milton un Joyce.[10]
Middelöller, Renaissance un moderne Literatur
[ännern | Bornkood ännern]In de Renaissance wurr Ikarus en symboolsch Bild för överdreven Ehrgiez un över den Maten grote Ambitschonen.[11] De beröhmte Schilleree Landschop mit den Fall vun Ikarus, dat meist Pieter Bruegel den Olen toschreven warrt, inspireer twee bekannte engelsche Gedichten: Musée des Beaux Arts vun W. H. Auden un Landscape with the Fall of Icarus vun William Carlos Williams.[12]
Ikarus speelt ok ene Rull in moderne Romans, Gedichten un Filmen, dorunner de Roman Icarus vun Adam Wing oder de animeerte Film Icarus ut 2022. De platt- un hoochdüütsche Bildungsroman Heine Steenhagen wöll ju dat wiesen! grippt den Ikarus-Mythos op un vergliekt den Daalgang vun den Protagonist Heine Steenhagen mit den Fall vun Ikarus so as dat in de Schilleree vun Brueghel dorstellt is.
De Sünn, oder den Fall vun Ikarus (1819) vun Merry-Joseph Blondel
Druck ut dat 16. Johrhunnert vun den Fall vun Ikarus
In Bruegel siene Landschop mit de Fall vun Ikarus is de daalfallen Ikarus bloots en lütt Detail rechts nerrn
Moderne Street-Art op Ikaria
Interpretatschoon
[ännern | Bornkood ännern]
De Mythos vun Ikarus warrt faken as Wohrscho vör överdreven Ehrgiez un Narzissmus verstahn.[13] In de Psychologie givt dat den Begreep „Ikarus-Komplex“, de mit övergrote Ambitschonen, Narzissmus un den Drang övergrote Daden vullbingen to wüllen verbunnen warrt.[14]
Seth Godin düüdt den Mythos anners: Nich bloots dat to hoge Flegen weer geföhrlich, man ok dat to depe Fliegen, üm dat’t seker schient, man ok in’n Ünnergang föhren kann.[15]
Weblenken
[ännern | Bornkood ännern]
Footnoten
[ännern | Bornkood ännern]- 1 2 Vörlaag:Cite book
- ↑ Metamorphoses (Kline) 8, the Ovid Collection, Univ. of Virginia E-Text Center.
- 1 2 CommonLit | The Myth of Daedalus and Icarus by Ovid (en).
- ↑ Vörlaag:Cite book
- ↑ clew – en Knüül ut Garn oder Draad.
- ↑ Thomas Bullfinch – The Age of Fable Stories of Gods and Heroes.
- ↑ Üversett vun A. S. Kline – University of Virginia Library.
- ↑ Icarus and Daedalus.Pdf.
- ↑ Under annern in Icaromenippus.
- ↑ Verschiedene literaturwissenschaftliche Arbeiten.
- ↑ E. H. Gombrich: Symbolic Images.
- ↑ Ten of the best: examples of ekphrasis (14 November 2009).
- ↑ Jacob E. Nyenhuis – Myth and the creative process.
- ↑ Michael Sperber: Dostoyevsky's Stalker and Other Essays on Psychopathology and the Arts.
- ↑ Vörlaag:Cite book