Hoth (Ünnernehmen)

Vun Wikipedia

Hoth is en düütsch Deepboünnernehmen. Dat hett 510 Mitarbeiders an teihn Standöörd in Noorddüütschland. Seet is Bookholt in de Zunftstraat 22 in dat Gewarvrebeed Vaanser Heid twüschen Steenbeek un Vaans.

Dat Ünnernehmen boot vör allen Kabel- un Rohrleitungen för Stroom, Gas, Water, Afwater, Feernwarms un Kommunikatschoon.

Historie[ännern | Bornkood ännern]

Dat Ünnernehmen Heinz Hoth Freileitungsbau is in’n Oktober 1958 von Heinz Hoth in Kumbarg grünnt worrn.[1] 1962 is dat Ünnernehmen ümtagen na Steenbeek bi Bookholt in’n Landkreis Horborg.[1] Later is dat Ünnernehmen in dat Stadtrebeed von Bookholt noch wedder ümtagen.[1]

1964 is dat twete Ünnernehmen Heinz Hotz Kabelverlegung grünnt worrn.[1] De beiden Ünnernehmens harrn to düsse Tied tohoop 45 Mitarbeiders.[1] 1967 is de Standoort in Westerbeverst grünnt worrn.[1] 1980 is Heinz Hoth sien Söhn Dieter Hoth in dat Ünnernehmen instegen.[1]

In dat Johr 1986 is dat Dochterünnernehmen Hoth Tiefbau GmbH grünnt worrn.[1] De Grupp harr to düsse Tied 85 Mitarbeiders.[1] In de Tied von 1990 bet 1992 is dat Dochterünnernehmen Hoth Kabel- und Rohrleitungsbau GmbH & Co. KG in Goldenbow (Mekelborg-Vörpommern) grünnt worrn.[1] Tosätzlich is de Standoort Westerbeverst op en neet Grundstück in Beverst verleggt worrn.[1] Dat hüdige Gelänn mit Verwaltungsgebüüd, Warksteed un Hallen an de Zunftstraat in Bookholt is 1994 anleggt worrn.[1] 1997 is de ne’e Standoort Celle dortokamen un de Standoort Beverst is vergröttert worrn.[1]

2015 hett Hoth dat Ünnernehmen Pyko Rohrleitungsbau GmbH & Co. KG in Bremerhoben övernahmen, dat to düsse Tied 100 Mitarbeiders harr.[1]

De Standöörd in Warder, Süsel, Bremen, Helmstidde un Lümborg sünd in de Johren von 2006 bet 2015 grünnt worrn.[1]

2015 hett Heiko Braun as Geschäftsföhrer dat Leid över dat Ünnernehmen von Dieter Hoth övernahmen.[1]

Footnoten[ännern | Bornkood ännern]

  1. a b c d e f g h i j k l m n o p Anzeige to dat 60-Johr-Jubiläum in Elbe-Weser aktuell

Weblenken[ännern | Bornkood ännern]


Koordinaten:53° 21′ N, 9° 52′ O