Horst von Windheim

Vun Wikipedia
Zur Navigation springen Zur Suche springen

Hermann Theodor Horst von Windheim (* 17. September 1886 in Naumborg; † 17. April 1935 in Saas Fée, Swiez) weer en düütschen Verwaltungsbeamten.

Von Windheim is 1886 as Söhn von Adele, borene Osman, un Johann Wilhelm Gebhard von Windheim in Naumborg boren. He stammt ut de Familie von Windheim. Nadem he Juristeree studeert harr, is he 1908 Gerichtsreferendar worrn, 1911 Regerungsreferendar un hett in’n Eersten Weltkrieg von 1915 af an as Regerungsassesser in Budapest bi dat Kriegsernährungsamt arbeidt. Na disse Tied hett he in Berlin un bet 1921 bi dat Landraadsamt von’n Landkreis Essen arbeidt. 1921 is von Windheim as Nafolger von Friedrich Ecker Landraad von’n Kreis Winsen worrn. Dat Amt harr he bet 1932, as de Kreis oplööst un mit’n Kreis Horborg to’n ne’en Kreis Horborg tohoopleggt worrn is.[1] Dat Landraadsamt in’n ne’en Kreis hett denn Heinrich Graf von Bernsdörp övernahmen, de vörher in Horborg Landraad weer. Von Windheim güng denn na’n Kreis Garlä un weer dor von 1932 bet September 1933 kommissarsch Landraad as Nafolger von Oscar Böer, de doodbleven weer. Fritz Coester hett em in Garlä aflööst. Von 1933 bet 1935 weer he as Nafolger von Hellmuth Baumann, na en Tied, in de Philipp Harte dat Amt kommissarsch leidt harr, Landraad von’n Kreis Wanzlä in de prüüßsche Provinz Sassen. Von Windheim is an’n 17. April 1935 bi en Lawinenunglück in Saas Fée in de Walliser Alpen doodbleven.[2] Sien Nafolger weer Landraad Steinmeyer.

He hett an’n 6. September 1913 in Kassel-Wilhelmshöhe Hildegard Karola Klementine Freiin von Berlepsch (9. Juni 1893-1. Januar 1975) freet.

Footnoten[ännern | Bornkood ännern]

  1. Dirk Stegmann - Der Landkreis Harburg 1918-1949, Kapitel IX, 3, Elite zwischen Kaiserreich und "Drittem Reich" Landräte 1918-1945, Seite 349, Christians Verlag
  2. Landkreis Harburg - Kreiskalender 2008 - Jahrbuch für den Landkreis Harburg, Martin Kleinfeld - "Preußenschlag" und Kreisreform - 75 Jahre Landkreis Harburg, Sied 30