Hillig-Hart-Jesu-Kapell

Vun Wikipedia

De Hillig-Hart-Jesu-Kapell weer bet 2004 en röömsch-kathoolsche Kapell in Neehuus in dat Dekanat Bremerhoben von dat Bisdom Hilmssen. Ehren Naam hett se na Jesus sien Hillig Hart. Se hett to de Gemeen von de Hillig-Krüüz-Kark in Oterndörp tohöört.

De Kapell leeg in de Bülsdörper Straat 6. Bet an dat Enn von’n Tweten Weltkrieg weer in dat Gebüüd, dat de Form von en Barack harr, en Fabrik för Strümp. In dat Huus is denn later en Wahnung för en Preester boot worrn un Neehuus is en Parrvikarie worrn. 1960 is de Kapell wieht worrn. An’n Gevel na de Straat hen weer en groot Krüüz anbröcht. 1964 is en neet Parrhuus boot worrn un ut de ole Wahnung is en Begegnungssteed worrn. 1981 is de Parrvikarie Deel von de Hillig-Krüüz-Gemeen worrn. 2004 is in de Rüüm von de Begegnungssteed en Jugendzentrum intagen. An’n 28. Juni 2013 hett Bischop Norbert Trelle de Kapell profaneert un ut Deenst stellt.


Koordinaten:53° 48′ N, 9° 2′ O