Renate Herrmann-Winter

Renate Herrmann-Winter (* 1933 in Griepswoold) is ene düütsche Germanistin.

Vun 1952 af an bet 1956 hett se Germanistik un Anglistik an de Universität Griepswoold studeert. Vun 1956 af an weer se wetenschopliche Mitarbeiderin an dat Institut för Düütsche Spraak in Berlin un Griepswoold, dat to de Düütsche Akademie vun de Wetenschoppen to Berlin höört. 1963 hett se in Rostock mit en Arbeit över Die Milch und ihre Verarbeitung im niederdeutschen Wortschatz der ehemaligen Provinz Pommern ehrn Dokter maakt. 1992 hett se den ne’en Lehrstohl för Nedderdüütsche Spraak un Literatur övernahmen. Dor hett se denn ok de Arbeit an dat Pommersche Wöörbook wedder opnahmen, dat se 1969 ut polietsche Grünn stoppt harrn. 1998 is se in Rohstand gahn. Doch 2003, nadem de Universität Griepswoold den Plattdüütsch-Lehrstohl nich wedder nee besetten wull, do hett se dor noch wedder anfungen.

2006 hett se den Fritz-Reuter-Pries kregen un 2003 den Kulturpries vun dat Land Mekelnborg-Vörpommern.

Warken

• Die Milch und ihre Verarbeitung im niederdeutschen Wortschatz der ehemaligen Provinz Pommern. Dissertatschoon, Rostock 1963
• Studien zur gesprochenen Sprache im Norden der DDR. Soziolinguistische Untersuchungen im Kreis Greifswald. Berlin 1979
• Plattdeutsch-hochdeutsches Wörterbuch für den mecklenburgisch-vorpommerschen Sprachraum. Rostock/Niemünster 1985, 5. Oplaag 2003
• Notwehr ist erlaubt. Niederdeutsch im Urteil von Verehrern und Verächtern. Texte aus Mecklenburg und Pommern vom 16. bis zum 20. Jahrhundert. Rostock 1995
• Pommersches Wörterbuch. Bd. 1, Lfg. 1 ff. 1997 ff.
• Heimatsprache zwischen Ausgrenzung und ideologischer Einbindung. Niederdeutsch in der DDR. Frankfurt am Main/Berlin 1998
• Neues hochdeutsch-plattdeutsches Wörterbuch für den mecklenburgisch-vorpommerschen Sprachraum. Rostock 1999
• Sprachbilder im Plattdeutschen. Redewendungen und Sprichwörter. Rostock 2002