Henry Way Kendall
Henry Way Kendall (* 9. Dezember 1926 in Boston; † 15. Februar 1999 in Wakulla Springs State Park, Florida) weer en US-amerikaansch Physiker un Nobelpriesdräger.
Leven
[ännern | Bornkood ännern]Kendall wurr an de Oostküst vun de USA in Boston boren un is in en lütten Stadt buterhalv upwussen. Sien Vader Henry Plimpton Kendall (1878–1959) weer en spoodriek Industrieller, sien Moder Evelyn Way Kendall stamm ut Kanada.[1]
Henry Kendall harr in de School Langwiel un weer an mechanischen, chemischen un elektrischen Fragen interesseert. Buterdem weer he gern in de Free Natur ünnerwegens[1] he hett af 1940 de Deerfield Academy in Deerfield, Massachusetts besöcht, un af 1945 de US Merchant Marine Academy, wornah he in’n Winter 1945/46 up en Truppentransporter in‘n Atlantik fohren dee. Af 1946 studeer he an dat Amherst College in Massachusetts un kreeg dor 1950 en Bachelor-Afsluss in Mathematik. Blangenbi hett Kendall, de en begeistert Düker weer, in’n Sömmer mit en Früend en lütt Bergungs- un Düükünnernehmen managt. Ansluutend studeer he up Drängen vun Karl Taylor Compton, de en Früend vun de Familie weer, af 1950 Physik an dat Massachusetts Institute of Technology un promoveer dor 1955 bi Martin Deutsch. In sien Dissertatschoon hett he dat Positronium ünnersöcht un hett ahn Spood versöcht, de Lamb-Shift nahtowiesen. As Post-Doc forsch he twee Johr an dat Brookhaven National Laboratory un dornah in de Grupp vun Robert Hofstadter an de Stanford University un hett deren Deelkenbeschleuniger SLAC bruukt, dormals noch en Linearbeschleuniger vun 300 Foot Längt. Dor fung sien Tosommenarbeit mit sien lateren Ko-Nobelpriesdrägern Jerome Isaac Friedman un Richard Edward Taylor an. An dat SLAC hett he ok mit Wolfgang Panofsky tosommenarbeit. Af de 1960er Johren wessel he an dat Massachusetts Institute of Technology (MIT) un hett dor bit to dat Enn’n vun sien wetenschaplich Loopbahn arbeit. In de Experimente vun de deepinelastisch Streen vun Elektronen an Protonen un Neutronen an dat SLAC wies he mit sien Kollegen Enn’n vun de 1960er und Anfang vun de 1970er Johren de Existenz vun tovör vun Murray Gell-Mann un annern postuleert Quarks wiest un funn ok eerste Henwiesen up Gluonen) as punktförmige Streezentren in Nukleonen.
Ehrungen
[ännern | Bornkood ännern]Kendall kreeg 1990 tosommen Jerome I. Friedman und Richard E. Taylor den Nobelpries för Physik tospraaken: Se weern de Eersten, de mit hör Experimente den Nahwies vun Quarks brocht harrn. 1981 harr Kendall all den Leo Szilard Lectureship Award un 1989 tosommen mit Friedman un Taylor den Panofsky-Pries kreegen.
Kendall weer siet 1982 Liddmaat vun de American Academy of Arts and Sciences un siet 1992 vun de National Academy of Sciences. He weer Mitbegtrünner un langjohrig Vörsitter vun de Union of Concerned Scientists. 1985 wurr he Fellow vun de American Physical Society. He weer Liddmaat vun de JASON Defense Advisory Group.
Privates un Dood
[ännern | Bornkood ännern]Kendall weer en passioneert Fotograf un Bargstieger. He hett völ in’n Yosemite Valley klautert, aber ok in den Anden, den Himalaya un in de Antarktis. 2012 wurr he in de Hall of Fame vun den American Alpine Club upnommen. He hett ok Böker över dat Düüken un de Ünnerwaterfotografie herutbrocht.
Kendall is an’n 15. Februar 1999 an en swoor Ünnerlievsblööden wiels en Düükexpeditschoon in Ünnerwaterhöhlen in den Wakulla Springs State Park in Florida storven.
Schriften
[ännern | Bornkood ännern]- Kendall, Panofsky The structure of the proton and neutron, Scientific American, Juni 1971
Weblinks
[ännern | Bornkood ännern]
Enkeld Nahwiesen
[ännern | Bornkood ännern]- 1 2 The Nobel Prize in Physics 1990. Afropen an’n 3. Oktober 2019 (amerikaansch Engelsch).