Hendrik Johannes Bergveld
Hendrik Johannes Bergveld (* 20. Dezember 1902 in Appelsche, † 14. Oktober 1966 in Oosterwoolde) was en nederlandsk Schriever, Dichter, un Heimaatförsker, de Körtgeschichten unGedichten up Stellingwarfs schreev.
He tellt to den wichtigsten Stellingwarfs Schriever in de 20. Jhd. He schreev man ok Artikels över Heimaat- un Volkskunn up Nederlandsk.
Leven un Wark
[ännern | Bornkood ännern]Hendrik Johannes Bergveld keem 1902 in Appelsche in de Süüdoosthook van de Stellingwarven up de Welt. Al vör de Twede Weltkrieg schreev he Körtgeschichten, Riemsels un Gedichten, de he in de Tiedschrift De Oost-Stellingwerver ruutbroch.
Na de Krieg schreev he in dat Blad De Nieuwe Oost-Stellingwerver. He schreev neet alleen Literatuur, man ok över Stellingwarver Volks- un Heimaatkunn. Tosamen mit Martnus Bakker gellt Bergveld as en van de wichtigsten Schrievers för de Stellingwarfs Literatuur in dat 20. Jhd. 1949 keem sien bekannt nederlandsk Artikel De Stellingwervers en Hun Dialect in de Drentsche Volksalmanak ruut. In den 1950-er schreev de dat Stellingarfs volkslied.
He bleev 1966 twee Maanden vör sien 64. Boortsdag dood.
De groot Deel van Bergveld sien Wark wurr posthum van de Stellingwarver Schrieversronte in de Sammelbannen De Oolde Pook (1971) un Klaeterjaegers (1976) ruutgeven. 2013 broch Henk Bloemhoff un de Stellingwarver Schrieversronte de Sammelband Bergveld Lest Veur uut Eigen Wark mit allen Warken uut de beiden Banden, de tovör ruutkemen, un Aritkels, de betto nich afdruckt worden.
Andenken
[ännern | Bornkood ännern]Bergveld bruuk för sien schreven Warken ene konsequente Schrievwies, de Bergvelds Schrievwiese. Se sluut an de Drentsken Schrievwiesen un de Nederlandske Schrievwies an. In de 1970-er Jaren het de Stellingwarver Schrieversronte sien Schrievwies övernommen un se 1976 as offitschelle Schrievwies för dat Stellingwarfs fastleggt.
1981 begünnen de Gemeenden Ooststellingwarf un Weststellingwarf de H. J. Bergveld-Pries för schreven un spraken up Stellingwarfs to vergeven.
Warken
[ännern | Bornkood ännern]- 1949 – De Stellingwervers en Hun Dialect (in: de Drentsche Volksalmanak)
- 1971 – De Oolde Pook, Kulturele Raod van Oost-Stellingwarf
- 1976 – Klaeterjaegers, Stellingwarver Schrieversronte
- 2013 – Bergveld Lest Veur uut Eigen Wark, Stellingwarver Schrieversronte, ISBN 978-90-6466-168-6