Simeon Agapito Hassock

Vun Wikipedia
(wiederwiest vun Hassock)

Simeon Agapito Hassock (* 24. März 1904 in Corozal; †) weer en Politiker ut Brietsch-Honduras (NIP).

Hassock is 1904 as Söhn von Raymunda, borene Babb, un John Hassock in Corozal boren.[1] He hett in London an dat King’s College Juristeree studeert un is an’n 28. Juni 1933 as Avkaat tolaten un Maat von’n Middle Temple worrn.[1]

Hassock weer von 1935 bet 1945 Avkaat un von 1945 bet 1963 Magistraat in Belize-Stadt.[2][1] 1959 is he Justizbeamten in dat Büro von’n Generaalstaatsanwalt von Brietsch-Honduras worrn un hett dor faken den Generaalstaatsanwalt vertreden.

He weer Viez-Parteibaas von de NIP un hett düt Amt behollen bet de NIP in’n September 1973 mit annere Partein tohoopgahn is un de United Democratic Party (UDP) billt hett.[2] In de Tied, nadem Parteibaas Philip Goldson 1972 na London gahn is, üm to studeren, weer Hassock tohoop mit Buntin Fuller kommissarschen Parteibaas.

He weer twüschen 1965 un 1969 för de Oppositschoonspartei NIP Maat von’n Senaat von Brietsch-Honduras.[2] As Senater weer he för de NIP Schaddenminister för Justiz.[1]

Hassock hett 1934 Frances Elizabeth Hannah Barnstable freet.[1] De beiden harrn een Dochter.[1]

Footnoten[ännern | Bornkood ännern]

  1. a b c d e f Personalities Caribbean. Personalities Limited, 1973, Sied 235
  2. a b c Simeon Agapito Hassock: family tree, Amandala an’n 2. August 2013