Hans Wohltmann

Vun Wikipedia
Zur Navigation springen Zur Suche springen

Hans Wohltmann (* 8. Dezember 1884 in Vörbarg; † 27. August 1968) weer en düütschen Schriever.

Wohltmann is 1884 in Vörbarg bi Swonewebel op’n Hoff von sien Öllern boren.[1] He hett eerst Privaatünnerricht bi Pastoor Wolters ut Meyenborg kregen un weer denn von 1899 bet 1905 op dat Doomgymnasium Veern.[1] He hett dor as Primus omnium sien Abitur maakt un denn an de Universität Tübingen Geschicht, Germanistik, Geografie un Philosophie studeert.[1] Na en Tied is he an de Universität Leipzig wesselt un hett dor 1909 mit en Arbeid över Die Entstehung und Entwicklung der Landeshoheit des Abtes von Prüm, 786-1790 sien Dr. phil. maakt.[1] 1910 hett he de Staatsprüfung för dat högere Lehramt maakt un keem as Kannedaat an dat Athenaeum in Stood.[1] Aver al een Johr later güng he för dree Johr as Oberlehrer an de düütsche Oberschool in Genua.[1] De School hett 1915 dör den Eersten Weltkrieg dichtmaakt. Wohltmann keem nu an dat Kaiser-Willem-Gymnasium na Hannover un is dor 1923 Oberstudienraad worrn.[1] 1926 hett he den Posten as Direkter von dat Athenaeum in Stood överdragen kregen.[1] He schull egentlich blots söss Johr blieven, hett an dat Enn von de Tied aver aflehnt, versett to warrn.[1] He is denn bet 1950 Direkter bleven, as he in Rohstand gahn is.[1] Von 1926 bet 1935 weer he Liddmaat in’n Biraad von’n Stoder Geschichts- un Heimatvereen un von 1935 bet 1968 dor de Vörsitter.[1] 1934 harr he al dat Amt as Schriftbaas för dat Stoder Archiv (siet 1947 Stader Jahrbuch) övernahmen.[1] 1936 is he as Liddmaat von de Histoorsche Kummission för Neddersassen ernannt worrn.[1] In’n Neddersassischen Heimatbund weer he in’n Biraad.[1] 1960 bet 1968 weer he Senior von de St. Antonii-Bröderschop Stood.

Wohltmann hett ok Bidrääg för de Tiedschrift Niedersachsen, för de Niedersächsischen Lebensbilder un för de Neue Deutsche Biographie schreven.

He is 1964 Ehrenbörger von de Stadt Stood worrn.

Warken[ännern | Bornkood ännern]

  • Die Entstehung und Entwicklung der Landeshoheit des Abtes von Prüm, 786-1790. Dokterarbeid, 1909
  • Hindenburg-Worte; Briefe, Drahtungen, Reden und Gespräche des Generalfeldmarschalls von Hindenburg. J. F. Lehmann, München 1918
  • Rainer Maria Rilke in Worpswede; nach Briefen, Tagebüchern, Dichtungen zur 60-Jahrfeier der Worpsweder Künstlerkolonie erzählt. 1949
  • Die Geschichte der Stadt Stade an der Niederelbe. 3. Oplaag, Stoder Geschichts- un Heimatvereen, Stood 1956
  • Sagen aus dem Lande zwischen Niederelbe und Niederweser. Band I, 1959
  • Sagen aus dem Lande zwischen Niederelbe und Niederweser. Band II, 1963

Footnoten[ännern | Bornkood ännern]

  1. a b c d e f g h i j k l m n Niedersächsisches Jahrbuch für Landesgeschichte. A. Lax, 1970, Sied 342f