Hans Günther Hellweeg

Vun Wikipedia

Hans Günther Hellweeg (* 28. April 1927 in Harsfeld; † 11. Februar 1994 in Lümborg) weer en düütschen Politiker von de CDU. He weer von 1978 bet 1986 Maat von’n Landdag von Neddersassen.

Hellweeg is 1927 in Harsfeld boren, dor opwussen un weer denn op dat Realgymnasium in Buxthu. Von 1943 bet an dat Enn von’n Tweten Weltkrieg weer he Flakhelper un is bi de Luftwaffe utbillt worrn. Na dat Abitur 1946 an’t Athenaeum in Stood hett he en Lehr in dat Kraftfahrzeug-Handwark maakt un is 1948 Gesell worrn. He hett ok Meesterprüfungen as Klempner (1954), Gas- un Waterinstallatör (1956) un Zentralheizungs- un Lüftungsbauhandwarker (1969) maakt. In de Johren 1954 bet 1976 harr he as sülvstännigen Ünnernehmer en Einzelhannelsgeschäft mit anslaten Handwarksbedriev.

Hellweeg güng 1970 in de CDU rin. He weer Raadsherr in’n Gemeenraad von Harsfeld un von 1972 af an Börgermeester von’n Flecken Harsfeld. He weer von 1972 bet 1980 ok Börgermeester von de Samtgemeen Harsfeld. Er wurde Verbandsvörsteher von’n Wasserleitungsverband Oolland un Maat von de Vullversammlung von de Industrie- un Hannelskamer för den Elv-Werser-Ruum. Von 1972 af an weer he Afornten in’n Kreisdag von’n Landkreis Stood un Maat von’n Kreisutschuss. 1976 bet 1982 weer he Viez-Landraad von’n Landkreis Stood.

Hellweeg weer in de neegte un teihnte Wahlperiood (von’n 21. Juni 1978 bet to’n 20. Juni 1986) Maat von’n Landdag von Neddersassen (bi de Wahl 1978 as Afornten för den Wahlkreis Bremervöör un 1982 as Afornten för den Wahlkreis Buxthu).

In Harsfeld is de Hellweeg-Allee na em nöömt worrn.

He weer verheiraadt un harr fiev Kinner.