Hans Cossy

Vun Wikipedia

Hans Cossy (* as Hans Cosiolkofsky 4. Oktober 1911 in Köln; † 31. Juli 1972 in Bayreuth) weer en düütschen Schauspeler un Synchroonsnacker.

Leven un Wark[ännern | Bornkood ännern]

Hans Cossy 1927 bit 1929 Schauspeelünnerricht bi O. Kaiser in Köln nahmen un speel sien eerste Theaterrull in Bad Godesberg in en Opföhren vun Goethe sien Faust. In de Johren dorna hett he in Bonn, Wupperdaal, Köln un München speelt. Vun 1946 an hett Cossy butendem bi’n Film arbeit un later ok för’t Feernsehn. De meisten Tokiekers kennen em vör allen wegen twee Feernsehrullen: 1966 weer he as de Viez-Böverkummandant vun de Ruumstrietmacht, Marschall Kublai Krim, in de Science-Fiction-Reeg Raumpatrouille to sehn, un dat glieke Johr speel he ok in den Dreedeeler Die Gentlemen bitten zur Kasse mit. In die Minireeg stell he den Rover Kinsey dor, de vun den wohren Postrover Ronald „Buster“ Edwards afleidt weer. Cossy hett bito aver ok as Synchroonsnacker arbeit un weer Spreker in tallrieke Höörspeel-Produkschonen.

Cossy weer vun 1965 bit 1969 mit de Schauspelersche Emely Reuer verheiraat. Mit Vera Brühne weer he vun ruchweg vun 1941 bit 1953 verheiraat un harr mit ehr sien Dochter Sylvia, de 1990 doodbleven is. So as Vera Brühne is ok Cossy op den Wooldkarkhoff Solln in München bisett.

Filmografie (Utwahl)[ännern | Bornkood ännern]

Johr Titel
1948 Der Herr vom andern Stern
1951 Alraune
1955 Der Teufel mit den drei goldenen Haaren
1956 Vor 100 Jahren fing es an
1956 Wo war David Preston?, Feernsehn
1960 Instinkt ist alles, Feernsehn
1960 Es geschah an der Grenze, Feernsehreeg
1961 Schwarzer Kies
1962 Alle Macht der Erde, Feernsehn
1963 In einer fremden Stadt, Feernsehn
1964 Die Zeit der Schuldlosen
1966 Die Gentlemen bitten zur Kasse, Feernseh-Minireeg
1966 Raumpatrouille, Feernsehreeg
1967 Der Kaktusgarten, Feernsehn
1968 Peter und Sabine
1971 Das haut den stärksten Zwilling um
1971 Die Münchner Räterepublik, Feernsehn

Weblenken[ännern | Bornkood ännern]