Hans Bunje

Hans Bunje, Pseudonym Hans Seekamp, (* 1. Mai 1923 in Braak; † 11. November 2008) weer en plattdüütschen Schriever, besünners för Höörspelen un Theaterstücken.

Leven

Hans Bunje wuss as öllsten Söön vun den plattdüütschen Schriever Karl Bunje in Braak op. He wull Schippsbo studeren. As de Twede Weltkrieg uutbraken weer, maak he man ene Leer as Ingenieuroffzeer för U-Boten bi de Marine. Na Kriegsenn studeer Bunje an de Georg-August-Universität in Chöttingen Düütsch, Historie un Philosophie un maak 1951 mit de Schrift Der Humor in der niederdeutschen Dichtung des Realismus siene Promotschoon.^[1]^[1]

1951/1952 arbeid Bunje as Middelschoollehrer in Kiel, denn weer he Studienreferendaat in Flensborg, Kiel un Rendsborg. Daarna keem na Kiel torügg un leer as Studienassesser un vun 1957 an as Studienraad an de Kieler Geleertenschool.^[1] In düsse Tied ünnerricht Bunje an de Pädagoogschen Hoogschool ok nedderdüütsch Laienspeel.^[1]

Daarto schreev Bunje so as sien Vadder Karl Bunje plattdüütsche Theaterstücken un Höörspelen. Al inn 1940-er kemen ünner dat Pseudonym „Hans Seekamp“ dat Stück Dubbelt verspeelt ruut, dat 1949 siene Premieer harr. Enn vun de 1970-er schreev he mit Musik vun Karl Eckert dat Musical Sprottenkathrin.^[1]

Vun 1975 an weer Bunje Baas vunn Nedderdüütsch Bühnenbund Sleswig-Holsteen, vun 1978 an weer he in de Redaktschoon vun de Tiedschrift Periodika, de Vereenstiedschrift vun de Nedderdüütsch Bühnenbund.^[2]

Hans Bunje harr twee Döchter un leev in Heikendörp bi Kiel.^[2]

Theaterstücken

Premier	Titel	Bühn
1949	Dubbelt verspeelt	Niederdeutsche Bühne Börkum
28. April 1968	Utkniepen hölpt nich	Ohnsorg-Theater
30. März 1969	Dubbelt verspeelt	Ohnsorg-Theater
27. September 1970	Dat stahlen Glück	Ohnsorg-Theater
11. Oktober 1978	Dat Smugglernest	Niederdeutsche Bühne Kiel
23. April 1980	De Wulken 80	Niederdeutsche Bühne Kiel
	De Sprottenkathrin

Hööspelen

Sennjahr	Senner	Titel	Regie	Spreker
1950	RB	Dubbelt verspeelt	unkünnig	unkünnig
1952	NWDR Hamburg	Allns üm de Deern	Hans Freundt	Hartwig Sievers, Rudolf Beiswanger, Hilde Sicks, Heidi Kabel, Otto Lüthje, Hans Mahler, Heini Kaufeld
1967	NDR	Utkniepen hölpt nich	Günther Siegmund	Ernst Grabbe, Erna Raupach-Petersen, Hanno Thurau, Werner Riepel, Heinz Lanker, Rolf Bohnsack
1968	NDR	Duppelt verspeelt	Günther Siegmund	Karl-Heinz Kreienbaum, Christa Wehling, Jochen Schenck, Rudolf Beiswanger, Edgar Bessen, Ulla Mahrt
1970	NDR	Das Laubenparadies	Rudolf Beiswanger	Heinz Lanker, Hilde Sicks, Heidi Kabel, Christa Siems, Gertrud Prey
1971	NDR	Dat stahlen Glück	Curt Timm	Herma Koehn, Werner Riepel, Hanno Thurau, Hilde Sicks, Heinz Lanker, Otto Lüthje
1972	NDR	Krumme Tourn	Rudolf Beiswanger	Ernst Grabbe, Heidi Mahler, Edgar Bessen, Jürgen Pooch, Gertrud Prey, Ulla Mahrt

Schriften

As Schriever

1988: Nix as Undöög, Verlag Michael Jung, Kiel, ISBN 978-3-923525-52-2.

As Ruutgever

1997: Karl Bunje: Geschichten und Gedichte, Isensee Verlag, ISBN 978-3-89598-455-6.

Kiek ok bi

List vun plattdüütschen Schrievers

Weblink

Hans Bunje in de Datenbank Die niederdeutsche Literatur (hoogdüütsch)

Footnoten

1 2 3 4 5 Bunje, Hans - Autoren - Karl Mahnke Theaterverlag. Afropen an’n 1. August 2025.
1 2 Wilhelm Kosch (Hrsg.): Deutsches Literatur-Lexikon. Das 20. Jahrhundert, Band 4, Seite 608, K. G. Saur Verlag, Zürich und München, ISBN 3-908255-04-X.

[:0-1] 1 2 3 4 5 Bunje, Hans - Autoren - Karl Mahnke Theaterverlag. Afropen an’n 1. August 2025.

[:1-2] 1 2 Wilhelm Kosch (Hrsg.): Deutsches Literatur-Lexikon. Das 20. Jahrhundert, Band 4, Seite 608, K. G. Saur Verlag, Zürich und München, ISBN 3-908255-04-X.

[1]

[2]